Прапагандысцкая газета агучыла некаторыя дэталі судовай справы Яўгена Меркіса
Газета Гомельскага аблвыканкаму выдала прапагандысцкі матэрыял, прысвечаны судоваму прысуду, які сёння вынеслі гомельскаму краязнаўцу і журналісту Яўгену Меркісу. Паседжанні вяліся ў закрытым рэжыме, таму аб справе мала чаго вядома, піша «Флагшток».
Згодна звесткам прапагандысцкай газеты «Гомельская праўда», Яўген Меркіс адпраўляў тг-каналам звесткі аб перасоўванні вайсковай тэхнікі. Таксама прапагандысты паведамляюць, што Яўген працаваў для тэлеканала Белсат, які ўлады прызналі экстрэмісцкім.
Яўген Меркіс пасля прызнання шэрагу незалежных рэсурсаў экстрэмісцкімі спыніў журналісцкую дзейнасць і займаўся краязнаўствам, працаваў над сваім гістарычным рэсурсам «Наш край». Таксама Яўген Меркіс вядомы як арганізатар шматлікіх культурніцкіх падзей Гомеля, абаронца гістарычнай спадчыны горада.
![](https://baj.media/wp-content/themes/baj/assets/images/telegram-logo.jpg)