Мінінфарм папоўніў «экстрэмісцкі спіс». У ім — беларускія і ўкраінскія інфармацыйныя рэсурсы

Міністэрства інфармацыі Беларусі ўвечары 26 верасня абнавіла Рэспубліканскі спіс экстрэмісцкіх матэрыялаў. Рашэннем суда Чыгуначнага раёна Гомеля ад 24 верасня экстрэмісцкай інфармацыйнай прадукцыяй прызнаныя адразу 15 інфармацыйных рэсурсаў. 

Украінскі сайт TELEGRAF. Скрыншот

З іх восем маюць дачыненне да ўкраінскага медыя TELEGRAF. Гэта:

• Сайт TELEGRAF (ідэнтыфікатар telegraf.com.ua),
• Viber-канал «Телеграф — новини України та світу» (ідэнтыфікатар  invite.viber.com/?g2=AQAAH%2B7bgM7UuU9Y5Jr56U0WeNHsMhychnyCxl7rQzdj8VX34sC8yxojaWhMFQ%2F3&lang=ru),
• Telegram-канал «Телеграф UA Новини України» (ідэнтыфікатар t.me/Telegraf_UA_channel),
• Telegram-акаўнт «Телеграф» (ідэнтыфікатар t.me/Telegraf_Ukraine),
• Telegram-канал «Телеграф. Новости» (ідэнтыфікатар t.me/telegrafby),
• YouTube-канал «Telegraf UA» (ідэнтыфікатар youtube.com/@telegraf-ua),
• старонка ў  Face­book з назвай «Telegraf UA» (ідэнтыфікатар facebook.com/ua.telegraf),
• старонка ў X пад назвай «Телеграф» (ідэнтыфікатар x.com/telegrafcomua).

Таксама «экстрэмісцкімі» прызнаны старонкі ў X з назвамі «DW українською» (ідэнтыфікатар x.com/dw_ukrainian) і «Голос Америки Українською» (ідэнтыфікатар x.com/holosameryky).

Заадно суд Чыгуначнага рёна Гомеля прызнаў «экстрэмісцкім» Telegram-канал з падобнай назвай «Телеграф. Новости», але ўжо беларускі. Гэты канал з ідэнтыфікатарам t.me/telegrafby мае ўсяго 5 падпісчыкаў.

«Экстрэмісцкім» стаў і Viber-канал пад назвай «Телеграф» (ідэнтыфікатар invite.viber.com/?g2=AQAe0ZqQK%2B5ZwlFX4yOYxC rLIu%2FSCUIsbe%2FKiskZLbyqF%2Bqa4B%2B4FTlECckWAU6f&lang=ru).

Апрача гэтага, 24 верасня суд Чыгуначнага раёна Гомеля абвясціў «экстрэмісцкай інфармацыйнай прадукцыяй» старонкі ў сацыяльнай сетцы  «ВКонтакте» з назвамі «Гомель Online» (vk.com/gomel_24), «Минск Online» (vk.com/minsk.stolica), «Лида — наш город» (vk.com/lida.city).

Гэтыя тры інтэрнэт-рэсурсы той самы суд ужо прызнаваў «экстрэмісцкімі» сёлета 6 верасня. Цяпер гэтага запісу ў Рэспубліканскім спісе экстрэмісцкіх матэрыялаў няма, засталася толькі пазнака «Адменена». Але праз 18 дзён суд зноўку вырашыў лічыць гэтыя старонкі «ВКонтакте» «экстрэмісцкімі».

Паводле абноўленага спісу Мінінфарма, экстрэмісцкім прызнаны і Іnsta­gram-акаўнт «Яна/Ёй» (ідэнтыфікатар instagram.com/yana.joj/?igshid=MzRIODBiNWFIZA%3D%3D). Ён дададзены ў пералік у адпаведнасці з рашэннем суда Ленінскага раёна Мінска ад 23 верасня.