Аўтару «Новага часу» Міколу Дзядку маглі прад’явіць новыя абвінавачанні

Палітвязню Міколу Дзядку маглі прад’явіць новыя абвінавачанні, сцвярджае набліжаны да сілавікоў тэлеграм-канал. У прыватнасці, прыгадваецца арт. 130 ч. 3 КК аб распальванні расавай, нацыянальнай, рэлігійнай або іншай сацыяльнай варожасці або варожасці.

Мікола Дзядок. Фота: Новы Час

Нібыта актывіст прызнаўся ў арганізацыі, кіраўніцтве, адміністраванні шэрага анархічных рэсурсаў.

Нагадаем, Мікола Дзядок атрымаў пяць гадоў калоніі агульнага рэжыму. Паводле абвінавачання, з 4 жніўня па 1 лістапада 2020 года ён у сваім тэлеграм-канале распаўсюдзіў матэрыялы з заклікамі да здзяйснення дзеянняў, накіраваных на прычыненне шкоды нацыянальнай бяспецы Беларусі.

23 жніўня 2020 года на несанкцыянаваных масавых мерапрыемствах у Мінску ён выходзіў на праезную частку, выкрыкваў лозунгі, блакіраваў дарогу, перагароджваў шлях транспарту; вырабіў і захоўваў бутэлькі са сумессю бензіну і мінеральнага алею. Дзядок не прызнаў віну ні па аднаму з артыкулаў.

Ён мусіў выйсці на волю 4 красавіка, але яго перавялі ў СІЗА №1 па новай крымінальнай справе па арт. 411 КК («Злоснае непадпарадкаванне патрабаванням адміністрацыі калоніі»), якая дазваляе бясконца працягваць тэрмін зняволеным.

«Праўда без кампрамісаў». Пабачыла свет кніга Міколы Дзядка