Святлана Ціханоўская заклікала падтрымаць беларускія незалежныя СМІ

Святлана Ціханоўская заявіла аб важнасці захавання беларускіх незалежных СМІ і заклікала іх падтрымліваць.

Фота: t.me/tsikhanouskaya

«На мінулым тыдні, знаходзячыся ў Давосе, я асабліва шмат думала пра тое, як важна для нас мець свой голас. Голас, які паказвае рэальнасць, у якой мы жывём. 

Гэтым голасам часцей за ўсё для нас з’яўляюцца беларускія незалежныя СМІ і людзі, якія штодня, нягледзячы на ціск, рызыкі і выгнанне, працягваюць расказваць пра Беларусь і для Беларусі. Яны захоўваюць і распаўсюджваюць праўду. А нам вельмі важна захаваць іх.

Таму калі ў вас ёсць магчымасць — калі ласка, падтрымлівайце беларускія медыя. Нават невялікі данат — гэта вялікі ўнёсак.

Свабодная Беларусь пачынаецца са свабоднага слова. І я вельмі ўдзячная кожнаму і кожнай, хто дапамагае яго захаваць», — заявіла Ціханоўская.

Медыяпраект KYKY можа закрыцца з‑за праблем з фінансаваннем