Украінскі суд пакінуў журналістку з Беларусі пад вартай без права ўнясення закладу
29 студзеня 2026
Шаўчэнкаўскі раённы суд Кіева абраў меру стрымання ў выглядзе ўтрымання пад вартай без права ўнясення закладу для грамадзянкі Беларусі, якая доўгі час працавала журналісткай ва Украіне.
Падазраваная ў шпіянажы грамадзянка Беларусі. Фота: ГУР Украіны
Пра гэта ў каментары Укрінформу паведаміла прэс-сакратарка Генеральнай пракуратуры Украіны Мар’яна Гаёўска-Каўбасюк.
Напярэдадні следчыя СБУ паведамілі пра падазрэнне ў адносінах беларускі паводле ч. 1 арт. 114 Крымінальнага кодэкса Украіны (шпіянаж). Яе затрымалі каля яе дому, канфіскавалі дыктафон і смартфон.
Следства лічыць, што затрыманая працавала на беларускае КДБ з 2015 года. У 2020 годзе, паводле СБУ, яе адкамандзіравалі для агентурнай работы на тэрыторыю Украіны. Прыкрыццём служыла журналісцкая дзейнасць.
«Не КГБ, а выше гораздо». СБУ опубликовала подробности о задержании журналистки из Беларуси
Зараз дзяўчына знаходзіцца пад вартай. Ёй пагражае да 15 гадоў зняволення з канфіскацыяй маёмасці.
Паводле інфармацыі беларускіх незалежных медыяў, гаврока ідзе пра Іну Кардаш.
У Беларусі да 2020 года Кардаш працавала як журналістка-фрылансерка. 19 чэрвеня 2020 года яе затрымлівалі падчас мірнай акцыі пратэсту. У тым жа годзе яна пераехала ў Кіеў і паспела папрацаваць на 112 і на «Інтэрфакс-Украіна».
Вядома, што Іна Кардаш адвучылася на журналіста ў ЕГУ.
@bajmedia
Страницу журналиста Дмитрия Гурневича в X признали «экстремистской»
03.03.2025
Яўген Вапа адзначыў 60-гадовы юбілей
30.06.2025
Беларускія ўлады летась даслалі запыт на выдаленне 50 відэа з YouTube. Ім адмовілі
02.05.2025
Шорт-ліст прэміі Францішка Багушэвіча: «Белсат», Сяргей Дубавец, анлайн-часопіс Taubin
21.03.2025
