Facebook-акаўнт журналіста Сяргея Пялесы трапіў у «экстрэмісцкі» спіс Мінінфарма

5 сакавіка на сайце Міністэрства інфармацыі папоўнілі Рэспубліканскі спіс экстрэмісцкіх матэрыялаў.

Сяргей Пялеса. Скрыншот праграмы «ПраСвет» тэлеканала «Белсат»

Паводле рашэння суда Глускага раёна Магілёўскай вобласці ад 27 лютага 2026 года ў гэты спіс уключылі старонку ў Face­book з назвай Siarhei Pele­sa (ідэнтыфікатар https://www.facebook.com/speliasa). Журналіст Сяргей Пялеса — адзін з першых супрацоўнікаў тэлеканала «Белсат», аўтар і вядоўца аналітычнай праграмы «ПраСвет», аўтар шэрагу дакументарльных кінастужак.

У адпаведнасці з рашэннем суда Полацкага раёна і горада Полацка ад 2 сакавіка 2026 года «экстрэмісцкай інфармацыйнай прадукцыяй» прызнана старонка ў сацсетцы Threads з назвай «Беларусь Факты» (ідэнтыфікатар https://threads.com/@belarusfakty). Старонка прысвечаная рэгіянальным беларускім навінам, на яе падпісаны больш за 2 тысячы чалавек.

Суд Оршы і Аршанскага раёна 4 сакавіка 2026 года прызнаў «экстрэмісцкімі матэрыяламі» змест шэрагу інтэрнэт-рэсурсаў адукацыйнай ініцыятывы Heta baza, у тым ліку сайт Het­abaza (ідэнтыфікатар https://www.hetabaza.org), а таксама акаўнт ініцыятывы ў Insta­gram, Telegram-канал, акаўнт у Tik­Tok і YouTube-канал.