Журналістка Юлія Ружэчка запусціла кросплатформенны медыяпраект для беларускіх бацькоў

Журналістка Юлія Ружэчка запусціла «Матчыну мову» – кросплатформенны медыяпраект для беларускіх бацькоў. Ён аб’ядноўвае журналісцкі кантэнт, экспертныя парады і супольнасць для тых, хто хоча выхоўваць дзяцей з беларускай мовай і культурай.

Журналістка Юлія Ружэчка. Скрыншот

Як адзначае заснавальніца, ідэя праекта з’явілася пасля асабістага досведу мацярынства. Пасля нараджэння дзіцяці ў 2024 годзе Юлія сутыкнулася з тым, што практычнай інфармацыі для бацькоў па-беларуску вельмі мала (асабліва для сем’яў у эміграцыі).

– Шматмоўе і шматкультурнасць – гэта асаблівасць кантэксту беларускіх сем’яў, наша суперсіла. Але ж таксама і чэлендж. Бацькі адчуваюць ізаляцыю, а мова выцясняецца з побыту. «Матчына мова» – гэта адказ на гэты запыт. Мы ствараем месца, дзе беларускамоўнае бацькоўства — гэта наша штодзённасць, – адзначае Юлія Ружэчка. – Матчына мова – гэта і пра мову і білінгвізм, і наогул пра розныя аспекты мацярынства і бацькоўства па-беларуску і з павагай да бацькоў і да дзяцей.

«Матчына мова» будзе працаваць адразу ў некалькіх фарматах. На гэтым тыдні стартуе серыя падкастаў з экспертамі і бацькамі. Сярод першых гасцей – актрыса Крысціна Дробыш, стаматалагіня Ганна Доўнар і гісторык Паўліна Скурко.

Таксама праект плануе выпускаць матэрыялы пра білінгвізм, разбураць папулярныя міфы пра дзве мовы ў сям’і і публікаваць асабістыя гісторыі бацькоў: пра роды за мяжой, шматдзетнасць і выхаванне дзяцей з асаблівымі патрэбамі.

 

 

 

 

 

Посмотреть эту публикацию в Insta­gram

 

 

 

 

 

 

 

 

 

 

 

Публикация от Matchy­na mova (@matchyna.mova)

Асобная частка праекта – супольнасць для беларускамоўных бацькоў. Паводле аўтараў, за першы месяц вакол «Матчынай мовы» сабралася ўжо каля 400 падпісчыкаў, якія дзеляцца досведам і падтрымліваюць адно аднаго ў каментарыях.

У бліжэйшы час выйдуць пілотныя выпускі падкаста. У іх будуць гаварыць пра псіхалагічныя бар’еры пры пераходзе на беларускую мову ў сям’і, «сямейную машыну часу» і іншыя тэмы, звязаныя з бацькоўствам.

Сачыць за праектам можна на гэтых платформах.

CityDog.io: Почему одни люди общаются с видео – а другие ненавидят даже голосовые? И как это влияет на рабочую коммуникацию?

CityDog.io: «Адчуваецца больш Год каня, чым жанчыны». Што кажуць беларускі пра абвешчаны ў іх гонар год?