• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Адміністрацыйны працэс у дачыненні да Ігара Барысава спынілі

    Журналіста і грамадскага актывіста вінавацілі ў парушэнні закона “Аб СМІ” (ч. 2 арт. 22.9 КаАП), а таксама ў парушэнні парадку атрымання грашовай дапамогі з-за мяжы (ч. 2 арт. 23.24 КаАП). Па абодвух артыкулах справы спынілі з-за сканчэння тэрміну даўніны.

    29 ліпеня суддзя Кастрычніцкага раённага суда Магілёва Дзяніс Кісігін задаволіў хадайніцтва Ігара Барысава спыніць справу ў сувязі са сканчэннем тэрміну яе даўніны. На адрас міліцыянтаў Кастрычніцкага РАУС суд вынес прыватнае вызначэнне – у тым ліку за шэраг хібаў у афармленні дакументаў і перадачу справы ў суд пасля сканчэння тэрміну прыцягнення да адміністрацыйнай адказнасці.  

    Ігар Барысаў не зусім задаволены такім вынікам. “Мяне задаволіла б, калі б суд цалкам апраўдаў мяне, а не закрыў справу з‑за тэрміну даўніны. Я буду скардзіцца ў пракуратуру, у тым ліку і на суддзю, які не павінен быў разглядаць справу наогул”, – зазначыў Ігар Барысаў у гутарцы з прэс-службай ГА “БАЖ”.  

    Ён упэўнены, што ўся гісторыя спробаў прыцягнуць яго да адказнасці звязаная з набліжэннем выбараў. Бо ён не толькі рэдактар сайта “Наш Магілёў”, але і намеснік старшыні Сацыял-дэмакратычнай партыі (Грамада) і прэс-сакратар кампаніі “Права Выбару-2015”.

    «Ужо каля года таму паступілі сігналы, што я трапіў пад увагу спецслужбаў”, – кажа Ігар Барысаў.

    Нагадаем, што ў 2014 годзе Ігара Барысава аштрафавалі за “незаконны распаўсюд прадукцыі СМІ” пасля затрымання з накладам газеты “Наш Магілёў” і бюлетэня “Сацыял-дэмакрат”.

    12 сакавіка 2015 г. у кватэры Ігара Барысава правялі агляд памяшкання нібыта ў межах праверкі факту паклёпу (арт. 188 ч. 2 КК РБ) на дырэктара прадпрыемства “Стужка” Сяргея Пятрова ў артыкуле на сайце “Наш Магілёў”. У той жа дзень “агляд” правялі на кватэры, дзе месціцца Магілёўскі офіс Праваабарончага цэнтра “Вясна”. На экспертызу агулам забралі шэсць камп’ютараў, два мадэмы і нататнік.

    13 ліпеня Барысава запрасілі ў міліцыю забраць камп’ютары, а заадно паведамілі, што праверка па факце паклёпу скончана, і крымінальнай справы супраць яго не распачыналі. Затое завялі дзве адміністрацыйныя, якія таксама цяпер закрылі.

    “Лічу, што мэтай таго “налёту” было паглядзець, якая інфармацыя ў мяне ёсць, – мяркуе Барысаў. – Выдаткавалі амаль 36 мільёнаў рублёў на розныя экспертызы – такая лічба фігуруе ў матэрыялах справы – але нічога, відаць, так і не знайшлі”.

     

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Акцэнты

    Теперь консул может только изъять паспорт. Что означает новый указ для белорусов, уехавших из страны?

    Очередное решение властей, которое поражает в правах белорусов.  Лукашенко подписал указ, которым изменил порядок выдачи документов в посольствах и консульствах за границей. Теперь там нельзя продлить или получить паспорт. Как же быть? Комментирует юридическая служба БАЖ.
    05.09.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці