Справаздачна-выбарчы сход адбыўся ў Глыбокім
23 сакавіка 2018
22 сакавіка Глыбоцкая суполка ГА “БАЖ” правяла справаздачна-выбарчы сход. На пачатку заслухалі справаздачу кіраўніцы суполкі Таццяны Смоткінай, адзначылі асноўныя накірункі мінулагодняй працы, пагаварылі пра ціск на журналістаў суполкі, а таксама салідарнасць з імі з боку калег і чытачоў. Дзейнасць суполкі глыбоцкія бажаўцы ацанілі як задавальняючую.
Узгадалі і абмеркавалі запланаваныя на гэты год мерапрыемствы, засяродзілі сваю ўвагу на больш важных. Лідар суполкі Таццяна Смоткіна звярнула ўвагу прысутных на імпрэзы, якія будуць ладзіцца супольна з іншымі філіямі арганізацыі.
Пасля абмеркавання надзённых справаў перайшлі да абрання кіраўніка, намесніка суполкі і дэлегата на Х з’езд ГА “БАЖ”, які мае адбыцца 20 красавіка.
Кіраўніком суполкі пераабралі Таццяну Смоткіну, намеснікам — Іллю Дзянісава (Галляша Сяляву). Дэлегатам на з’езд адзінагалосна была абраная Таццяна Смоткіна.
На з’ездзе дэлегаты зацвердзяць стратэгію развіцця, абяруць кіраўніцтва ГА “Беларуская арганізацыя журналістаў”, Камісію па этыцы і іншыя структурныя органы аб’яднання.
@bajmedia
КДБ прызнаў сайт Znadniemna.pl «экстрэмісцкім фарміраваннем»
01.04.2024
«Белсат» паведаміў, што пераводзіць свой сайт на «мінімальны рэжым працы»
23.07.2024
«Герой без імя, аўтар без прозвішча». Тры гісторыі беларускіх журналістаў, якія сышлі з прафесіі
03.05.2024
Сеть магазинов косметики разместила в Instagram видео с ведущим, который уволился с БТ. После возмущения пропагандистов пост удалили
14.02.2024
