• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Зноў паміж Конга і Руандай. Апублікаваны рэйтынг Беларусі ў “Індэксе свабоды прэсы”

    Міжнародная праваабарончая арганізацыя «Рэпарцёры без межаў» панізіла рэйтынг Беларусі ў сваім штогадовым «Індэксе свабоды прэсы» па выніках 2018 года. Усяго ў рэйтынгу 180 краін. Раней наша краіна займала 153-е месца, цяпер — 155-е. Суседнія месцы ў рэйтынгу занялі Дэмакратычная Рэспубліка Конга і Руанда.

     
    Фота: rsf.org

    У дакладзе аўтары пішуць, што ў Беларусі за год аднавілася эскалацыя рэпрэсій.

    «Апошняя дыктатура Еўропы працягвае судовы пераслед пазаштатных журналістаў і ўзмацняе інтэрнэт-цэнзуру. У 2017 годзе было арыштавана больш за 100 журналістаў, як правіла, пры асвятленні пратэстаў апазіцыі. Некаторыя з іх былі збітыя, іншыя былі арыштаваныя. Пераслед пазаштатных журналістаў, якія працуюць у незалежных СМІ, размешчаных за мяжой, якія не могуць атрымаць акрэдытацыю, дасягнула беспрэцэдэнтнага ўзроўню», — гаворыцца ў дакладзе.

    Аўтары таксама сцвярджаюць, што, баючыся дэстабілізацыі, звязанай з украінскім крызісам, беларускія ўлады арыштоўвалі як прарасійскіх, так і антырасійскіх блогераў (справа “Рэгнум» і справа Пальчыса адпаведна. — Заўв. TUT.BY).

    Беларусь у рэйтынг ўключаюць з 2013 года. Тады наша краіна заняла 157‑е месца з 180 і не мяняла яго да 2017 года, калі змагла падняцца на некалькі пунктаў — да 153-га месца.

    Першыя месцы ў гэтым годзе традыцыйна займаюць скандынаўскія краіны: Нарвегія, Швецыя, Нідэрланды. Расія ў рэйтынгу заняла 148‑е месца, Украіна — 101‑е, Польшча — 58‑е, Літва — 36‑е, Латвія — 24‑е.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці