Амерыканская амбасада ў РФ затроліла «Известия», якія апублікавалі чарговы фэйк
19 лістапада 2015
Партал «Известия.рф» апублікаваў артыкул з назвай «Для дыскрэдытацыі расійскіх чыноўнікаў выкарыстоўваюць ЛГБТ-актывістаў», у якім прыводзіў «доказы» таго, што за абвінавачваннямі буйных расійскіх чыноўнікаў і палітыкаў у нетрадыцыйнай сэксуальнай арыентацыі можа стаяць Дзяржаўны дэпартамент ЗША.
Грунтаваўся артыкул на «перапісцы» Дзярждэпа і расійскага ЛГБТ-актывіста Мікалая Аляксеева.
Адказ амбасады ЗША ў Маскве не прымусіў сябе доўга чакаць. На старонцы амбасады ў Facebook у хуткім часе быў выкладзены той самы ліст, які апублікавалі ў сябе «Известия», толькі з выпраўленымі чырвоным стрыжнем памылкамі. Фота суправаджалася наступным тэкстам:
«Паважаныя Известия.рф,
У наступны раз, калі будзеце выкарыстоўваць фальшывыя лісты, дасылайце нам – будзем радыя дапамагчы выправіць памылкі.
Шчыра Ваш,
Дзярждэп».
Дарэчы, памылак у тэксце фэйкавага ліста, на хуткую руку напісанага расійскімі прапагандыстамі, аказалася даволі шмат – ажно 22, прычым некаторыя з іх недапушчальныя нават для школьнікаў. Так, гора-аўтары не ведалі нават напісання слова «Counselor», а таксама розніцы паміж «between» і «among».
@bajmedia
Украіна агучыла, колькі прадстаўнікоў украінскіх медыяў знаходзіцца ў расійскім палоне
31.05.2024
Праваабаронца Максім Буткевіч, які знаходзіцца ў няволі ў РФ, стаў лаўрэатам украінскай Нацыянальнай праваабарончай прэміі
11.12.2023
Жыхарку Эстоніі, якая працавала на «Россия сегодня», абвінавацілі ў дзяржздрадзе
07.08.2024
Памёр генеральны сакратар міжнароднай арганізацыі «Рэпарцёры без межаў» Крыстоф Дэлуар
10.06.2024
