Літвіна: Забойства Шарамета – чарговы замах на прафесію журналіста
20 ліпеня 2016
Экс-старшыня ГА “Беларуская асацыяцыя журналістаў” лічыць забойства Паўла Шарамета бязлітаснай помстай журналісцкай прафесіі. Пра гэта Жанна Літвіна заявіла прэс-службе арганізацыі.
– Гэтая жахлівая навіна з самай раніцы ўдарыла ў сэрца кожнага сумленнага журналіста і кожнага сумленнага чалавека. Забойства Паўла Шарамета – гэта чарговы замах на прафесію, гэта помста журналістам за іх праўду, за іх праўдзівую інфармацыю.
Сёння мы страцілі яшчэ адну яркую асобу нашай журналісцкай супольнасці. Боль – галоўнае пачуццё, якое напаўняе сённяшні змрочны дзень.
Павел Шарамет быў сябрам Беларускай асацыяцыі журналістаў з 1997 года. Я асабіста яго вельмі добра памятаю пасля зняволення, пасля пераследу беларускімі ўладамі. Памятаю таксама шчырае стаўленне Паўла да сям’і Завадскіх, яго перажыванні адносна гвалтоўнага выкрадання Змітра Завадскага.
Таксама я вельмі добра памятаю перадачы Паўла на расійскім тэлебачанні – з якім задавальненнем сядаеш да экрана і глядзіш гэтыя яркія, таленавітыя праграмы. Сённяшняе забойства – гэта бязлітасная помста за яго талент, за яго перакананні, за яго праўду. Гэта бязлітасная помста журналісцкай прафесіі, – каментуе Жанна Літвіна.
Фота “Наша Ніва”
Кніга памяці Паўла Шарамета створаная ў Прэс-клубе
ЗША чакаюць, што забойства Шарамета будзе цалкам расследавана
Калінкіна пра забойства Шарамета: Беларускага следу я тут не бачу
Названыя тры версіі забойства Паўла Шарамета
Генпракурор Украіны пра Шарамета: Гэта забойства
Паўла Шарамета пахаваюць у Менску
Гібель Паўла Шарамета: відавочца выбуху паказаў ФОТА падчас выбуху
Павел Шарамет. Архіўныя фота
@bajmedia
Google Photos. Як абараніць сябе — пакрокавы гайд
22.05.2023
Максім Жбанкоў: «Галоўная праблема беларускага кіно не ў адсутнасці грошай, а ў пустаце ў галаве»
19.08.2023
Дзень народзінаў за кратамі адзначае Ірына Леўшына, галоўны рэдактар БелаПАН
29.11.2023
Без парты і дошкі: 7 спосабаў падвучыць беларускую мову
21.02.2024
