• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Бастунец: Працэс над “рэгнумаўцамі” выклікае сур’ёзную занепакоенасць з пункту гледжання свабоды слова і журналістыкі наогул

    Старшыня ГА “Беларуская асацыяцыя журналістаў” каментуе першы дзень судовага працэсу над Дзмітрыем Алімкіным, Юрыем Паўлаўцом і Сяргеем Шыптэнкам.

    — Гэты судовы працэс выклікае сур’ёзную занепакоенасць з пункту гледжання свабоды слова і з пункту гледжання наогул журналістыкі ў Беларусі, — лічыць Андрэй Бастунец.

    — Мы нарэшце даведаліся, у чым палягае абвінавачанне фігурантам дадзенай справы. Даволі дзіўна для мяне выглядае, што пастаўлены знак  роўнасці паміж журналісцкай працай і незаконнай прадпрымальніцкай дзейнасцю, якая ажыццяўляецца без рэгістрацыі з карысных мэтаў, ды атрыманнем ганарараў за напісанне артыкулаў.

    Такі падыход ставіць пад пытанне працу ўсіх журналістаў-фрылансераў, якія не працуюць у штаце таго ці іншага выдання.

    Што ж тычыцца абвінавачанняў у распальванні нацыянальнай варожасці, то заўтра падсудныя выкажуць сваё меркаванне на гэты конт, сваё меркаванне патлумачаць эксперты.

    Але я мяркую, што абраная рэакцыя беларускай дзяржавы на крытычныя выказванні ў публікацыях — найменш адэкватная з магчымых, — гаворыць  Андрэй Бастунец.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці