• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    БАЖ далучыўся да звароту дэпутатаў Еўрапарламента наконт патрабавання вызваліць чатырох Сахараўскіх лаўрэатаў

    ГА "БАЖ" далучыўся да звароту дэпутатаў Еўрапарламента і Сахараўскіх лаўрэатаў з просьбай запатрабаваць неадкладнага вызвалення чатырох Сахараўскіх лаўрэатаў.

    Зварот да Федэрыкі Магерыні — Вярхоўнага прадстаўніка ЕС па знешняй палітыцы і палітыцы бяспекі, Жана Клода Юнкера — Старшыні Еўрапейскай Камісіі, Дональда Туска — Старшыні Еўрапейскай Рады, ініцыяваны еўрадэпутаткай і лаўрэаткай прэміі Сахарава Майте Пагазаўртундуа, падпісалі больш за паўсотні дэпутатаў з розных палітычных групаў Еўрапарламента і сахараўскіх лаўрэатаў.

    Еўрапейскіх лідараў просяць запатрабаваць ад урадаў Расіі, Венесуэлы, Саўдаўскай Аравіі, Ірана неадкладнага вызвалення ўкраінца Алега Сянцова, апазіцыйнага лідара Леапольда Лопеса, блогера Райфа Бадаві і адвакаткі Насрын Сатудэ.

    “Яны атрымалі ўзнагароду за абарону свабоды, а зараз мы мусім патрабаваць свабоды для іх. Еўрапейскі Саюз мусіць неадступна патрабаваць вызвалення чатырох сахараўскіх лаўрэатаў. Свабода — гэта галоўная каштоўнасць Еўрасаюза, свабода — гэта тое, за што яны змагаюцца і за што яны былі ўзнагароджаныя прэміяй Сахарава. Мы павінны дзейнічаць, каб яны неадкладна атрымалі свабоду…”

    Беларуская асацыяцыя журналістаў адна з першых далучылася да звароту на адрас еўрапейскіх лідараў.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці