• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    БАЖ паўторна просіць міністра інфармацыі прадаставіць праект зменаў у Закон аб СМІ — на першы зварот адказ так і не прыйшоў

    На папярэдні зварот Беларускай асацыяцыі журналістаў, дасланы Аляксандру Карлюкевічу чатыры месяцы, таму арганізацыя так і не атрымала адказу.

    https://baj.media/sites/default/files/event/preview/baj700_grey_0.png

    Беларуская асацыяцыя журналістаў паўторна звярнулася да міністра інфармацыі Беларусі Аляксандра Карлюкевіча з просьбай прадаставіць для абмеркавання ў журналісцкай супольнасці праект зменаў у Закон аб СМІ.

    Пра падрыхтоўку зменаў адпаведнага закона стала вядома яшчэ ў верасні мінулага года. ГА “БАЖ” адразу звярнулася да новага міністра з просьбай азнаёміцца і абмеркаваць магчымыя змены, а таксама ўключыць прадстаўніка журналісцкай арганізацыі ў склад працоўнай групы па падрыхтоўцы дакумента.

    Аднак адказ на афіцыйны зварот арганізацыя так і не атрымала.

     

    5 лютага на выніковай калегіі Мінінфарма зноў было агучана, што створана міжведамасная група па выпрацоўцы зменаў у Закон аб СМІ і звязаных з гэтым дапаўненняў і змяненняў у Падатковы кодэкс, Кодэкс аб адміністрацыйных правапарушэннях і Працэсуальна-выканаўчы кодэкс аб адміністрацыйных правапарушэннях.

    У адпаведнасці з палажэннем, Міністэрства інфармацыі ў межах сваёй кампетэнцыі распрацоўвае праекты законаў, рашэнняў Прэзідэнта і Савета Міністраў; супрацоўнічае з грамадскімі аб’яднаннямі і іншымі арганізацыямі па пытаннях, звязаных з распаўсюдам масавай інфармацыі, ажыццяўленнем выдавецкай, паліграфічнай дзейнасці, дзейнасці па распаўсюдзе друкаваных выданняў і прадукцыі сродкаў масавай інфармацыі.

    У сувязі з гэтым БАЖ, які з’яўляецца адной з найбольш масавых журналісцкіх арганізацый Беларусі, у чарговы раз просіць:

    1.      Уключыць прадстаўніка ГА “БАЖ” у склад міжведамаснай рабочай групы па падрыхтоўцы зменаў у закон “Аб сродках масавай інфармацыі”;

    2.      Прадаставіць ГА “БАЖ” праект зменаў у закон “Аб сродках масавай інфармацыі”.

    Паўторны зварот накіраваны ў Міністэрства інфармацыі заказным лістом з паведамленнем аб атрыманні.

     

    Поўны тэкст звароту

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці