Беларускія медыйшчыкі ўзялі ўдзел у журналісцкім турніры ў Друскінінкаі

10 верасня ў Літве прайшоў традыцыйны журналісцкі фубольны турнір. Пасля двух гадоў вымушанай паўзы каманда беларускіх медыйшчыкаў зноў выйшла на поле.

Акрамя Беларусі ўдзел у турніры узялі каманды Украіны, Польшчы, Германіі, Арменіі і Латвіі, а таксама дзве каманды з Літвы. Турнір праходзіў па кругавой сістэме – кожная з камандаў згуляла з кожнай.

На пачатку турніру арганізатары адмыслова прывіталі каманды з Украіны і Беларусі.

Пасля двух перамогаў, чатырох паразаў і адной нічыі каманда беларускіх медыйнікаў заняла на турніры шостае месца, перайграўшы ў апошнім матчы каманду Германіі.