• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Брэсцкі абласны суд пакінуў штраф журналістцы Тамары Шчапёткінай у сіле

    Скарга сябры ГА “Беларуская асацыяцыя журналістаў” тычылася рашэння суда ў Баранавічах, які пакараў Тамару Шчапёткіну штрафам у памеры 40 базавых велічынь (980 рублёў) за нібыта працу без акрэдытацыі на карысць “Беларускага Радыё Рацыя” (Польшча).

    Падчас разгляду сваёй скаргі ў абласным судзе журналістка даводзіла, што складзеныя на яе пратаколы былі сфальсіфікаваныя. Акрамя таго, Тамара Шчапёткіна выказала меркаванне, што гэтыя пратаколы, на падставе якіх адбываюцца суды і выпісваюцца штрафы ёсць пераследам яе за прафесійную журналісцкую дзейнасць.

    Суддзя Аляксандр Саўчук у сваім рашэнні адзначыў, што “акалічнасць здзяйснення правапарушэння судом выяўлена цалкам”, таму і падстаў для змены пастановы суда першай інстанцыі няма.

    Журналістка скептычна аднеслася да прапановы суддзі абскардзіць рашэнне ў вышэйшых судовых інстанцыях Беларусі і заявіла пра намер звярнуцца ў Камітэт па правах чалавека ААН.

    Фота racyja.com

    Штрафы журналістам па арт. 22.9 КаАП (табліца) АБНАЎЛЯЕЦЦА

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці