• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    БТ папярэдзіла

    У спэцыяльным рэпартажы «Технология провокации» ад 25 сьнежня б.г. Першы нацыянальны канал БТ папярэдзіў пра новыя правакацыі, якія напярэданні выбараў можна чакаць ад беларускай апазыцыі. Рэпартаж выкрыў таксама і тыя спосабы, празь якія гэтыя правакацыі могуць быць зьдзейсьненыя.

    Сымптаматычна, што галоўнае мейсца, адкуль варта чакаць «бяды», — гэта інтэрнэт. Бо тут, як вядома, кампэтэнтныя органы ўлучна зь Міністэрствам інфармацыі пакуль што ня маюць дзейсных інструмэнтаў кантролю.

    Натуральна, што гэткая бескантрольнасьць якраз і дазваляе апанэнтам уладаў «шкодзіць» па самых розных накірунках. Напрыклад, наўмысна сеяць паніку і страх. Так, падчас эпідэміі грыпу ў Мазыры «сразу несколько опозиционных сайтов заявили, что в городе свирепствует лёгочная чума» (у кадры — лагатып «Народнай волі» і цытата з сайта гэтай газеты, аднак без указаньня даты ці нумару, у якім адпаведны матэрыял быў надрукаваны).

    Калі б ня доступ да інтэрнэту і не бескантрольнасьць распаўсюду ў ім інфармацыі, наўрад ці ўдалося б апазыцыі выдаваць свае «фэнтазі» (паводле выразу вядоўцы рэпартажу), зьвязаныя з выкраданьнем маладзёвых лідэраў, за рэальныя факты. «Не исключено, — папярэджвае БТ (дарэчы, ці не саміх апазыцыянэраў?) — что накануне выборов тактика провакоционных исчезновений заработает снова».

    Самі ж маладыя «геймеры» ў палітыку — не болей як асобы з садысцкімі схільнасьцямі. Тое і «прадэманстраваў» «Малады фронт» датычна свайго сябра Арцёма Дубскага. Цытата: «Молодёжная группировка сознательно посадила своего активиста в тюрьму, чтобы носиться с ним как з брендом политзаключённого и клянчить деньги на продолжение игры».

    Тацьцяна Шапуцька, у сваю чаргу, не пазбаўлена некаторых мазахісцкіх схільнасьцяў, бо «сначала делает всё, чтобы быть отчисленной из БГУ…». Да таго ж «и не отрицает, что сознательно шла на провокацию…».

    Вядома, «раскруціў» Першы канал і сюжэт з блогам Тацьцяны Елавой.

    Варта, аднак, адзначыць, што фінал сюжэту ўсё ж аптымістычны. Бо гледачы БТ ня могуць ня радавацца з таго, што «провалится и очередная методика вот этих вот локальных и точечных провокаций, которую используют и нынешние оппозиционеры» , — кажа экспэрт, галоўны рэдактар часопіса «Беларуская думка» Вадзім Гігін.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Телеграм‑бот «Глаз бога» и «Магнит». Как милиционеры пробивают телефонные номера, почты и адреса беларусов

    07.09.2023
    Акцэнты

    Какую информацию о нас хранят телеграм‑боты, чем они опасны и как удалить их из аккаунта? Отвечают эксперты

    21.08.2023
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці