Прэзентацыя кнігі “Гэта Беларусь, дзетка!”
Запрашаем Вас на прэзентацыю кнігі “Гэта Беларусь, дзетка!” — шчодра ілюстраванага гумарыстычнага гіда па выжыванні ў Беларусі, складзенага на ангельскай і беларускай мовах. Кніга паўстала на базе папулярнага блогу “Гэта Беларусь, дзетка!”
Імпрэза мае адбыцца ў гэту суботу, 7 лістапада, з 14 да 16 гадзін у галерэі “Ў”. Па адрасе: Мінск, Праспект Незалежнасці 37а (станцыя метро “Плошча перамогі”). У праграме сустрэча з аўтаркамі кнігі, розыгрыш прызоў, падвядзенне вынікаў конкурсаў, сярод іх — конкурсу хэштэга на самы вясёлы фотаздымак, размешчаны з хэштэгам #hetabelarusdzietka або #etobelarusdetka ў сацыяльных сетках. Падрабязней чытаць тут па-ангельску і па-беларуску. Кнігу можна будзе набыць і падпісаць наўпрост у аўтараў або загадзя ў кнігарні “ЛогвінаЎ” ці іншых крамах горада.
Аўтары, Марыя Чаракова і мастачка Марта Чарнова, — беларускі, якія воляй лёсу ў малым узросце апынуліся за мяжой, але не пакінулі любові да радзімы і гараць жаданнем адкрываць “гэту бясконца цікавую краіну” для сябе і замежнікаў, падзеляцца асабістымі гісторыямі і распавядуць пра шлях кнігі да чытача.
Добры настрой і прыязная атмасфера гарантаваныя.
Колькасць месцаў абмежаваная, таму, зарэгіструйцеся, калі ласка, па гэтым адрасе сеціўнай пошты не пазней за 12:00 6 лістапада: alyona@odb-office.eu
Інфармацыйная падтрымка мерапрыемства – ОДБ Брусель.
![](https://baj.media/wp-content/themes/baj/assets/images/telegram-logo.jpg)