БАЖ звярнуўся да спецдакладчыкаў ААН з нагоды затрымання Сяргея Сацука

У звароце апісаная сітуацыя з затрыманнем рэдактара “Ежедневника» і пагрозамі яму ў сувязі з прафесійнай дзейнасцю.

Спецыяльны дакладчык ААН па сітуацыі з правамі чалавека ў Беларусі Анаіс Марын паведаміла, што атрымала ліст з гэтай інфармацыяй і заклікала паведамляць пра развіццё падзей.

У межах свайго мандата дыпламат можа запрасіць ад уладаў Беларусі тлумачэнняў па сітуацыі.  

Сяргей Сацук, рэдактар анлайн-выдання «Ежедневник», быў затрыманы 25 сакавіка супрацоўнікамі Дэпартамента фінансавых расследаванняў.  У рэдакцыі і дома ў журналіста адбыліся ператрусы. Супрацоўнікаў рэдакцыі выклікалі на допыт у ДФР.