«У дачыненні да яго распачата крымінальная справа па ч. 2 арт. 243: Крымінальнага кодэкса Беларусі (ухіленне ад выплаты падаткаў у асабліва буйным памеры)», — паведаміў прадстаўнік ДФР КДК.
Санкцыі па гэтай частцы артыкула прадугледжваюць да 7 гадоў пазбаўлення волі з канфіскацыяй маёмасці.
Крымінальная справа была распачата 12 чэрвеня 2018 года. Падставай для распачынання крымінальнай справы паслужылі атрыманыя з падатковых органаў матэрыялы праверкі Алеся Ліпая па фактах нявыплаты ім падаходнага падатку з даходаў, атрыманых за мяжой.
«У фінансавай міліцыі маецца дакладная інфармацыя пра тое, што Алесь Ліпай, атрымаўшы ў 2016–2017 годзе ад нерэзідэнтаў Рэспублікі Беларусь даход на агульную суму больш як 1,3 млн рублёў у эквіваленце, наўмысна не прадставіў ва ўстаноўленыя тэрміны ў інспекцыю Міністэрства па падатках і зборах па месцы жыхарства падатковыя дэкларацыі і не выплаціў падаходны падатак. Тым самым ён ухіліўся ад выплаты падаходнага падатку на агульную суму больш як 173 тысяч рублёў», — дадалі ў ДФР КДК.
У ведамстве таксама адзначылі, што Алесь Ліпай пасля выяўлення дадзенага факту прызнаў парушэнне заканадаўства і 12 чэрвеня выплаціў падаходны падатак і пеню ў памеры больш за 191 тысячу рублёў. Тым не менш, улічваючы, што памер шкоды ў выглядзе нявыплачанага падаходнага падатку перавысіў 1 тысячу базавых велічынь (24,5 тыс. рублёў), незалежна ад яго наступнай кампенсацыі фінансавая міліцыя абавязаная ў адпаведнасці з Крымінальна-працэсуальным кодэксам ажыццявіць комплекс крымінальна-працэсуальных дзеянняў, накіраваных на высвятленне абставінаў атрымання грашовых сродкаў.
Цяпер органамі фінансавых расследаванняў Камітэта дзяржкантролю праводзяцца неадкладныя следчыя і іншыя працэсуальныя дзеянні.
Нагадаем, раніцай, 14 чэрвеня, у кватэры Ліпая пачаўся ператрус — ён ішоў без малога сем гадзін. Затым кіраўніка БелаПАН павезлі на допыт.ть полностью: https://news.tut.by/economics/597017.html
