BYSOL запусціў Экстранны збор для вызваленых 16 верасня 2026 года

16 верасня 2026 года на волю выйшла 25 беларускіх палітвязняў. BYSOL адкрывае экстранны збор у іх падтрымку.

Мэта — выплаціць як мінімум па €1 000 кожнаму чалавеку ў межах праграмы падтрымкі палітвязняў і вызваленых. Гэтыя сродкі спатрэбяцца на арэнду жылля, медыцынскую дапамогу, аднаўленне дакументаў, побытавыя выдаткі.

Акрамя матэрыяльнай падтрымкі, гэта важны жэст салідарнасці і чалавечага ўдзелу. У зняволенні людзям гадамі ўнушаюць, што пра іх забыліся і нікому не цікавы іх лёс. Наша агульная падтрымка дапаможа вярнуць пачуццё ўласнай годнасці, адчуванне апоры і сувязі з людзьмі, якія іх чакалі.

Каб атрымаць дапамогу з Экстраннага збору, трэба запоўніць форму або непасрэдна звярнуцца ў BYSOL да 16 сакавіка 2027 года. 

Незапатрабаваныя да 16 сакавіка 2027 года сродкі з экстраннага збору будуць раўнамерна размеркаваныя сярод тых палітвязняў з групы вызваленых 16 верасня 2026, хто звярнуўся па дапамогу (пацвердзіў жаданне атрымаць дапамогу).

Збор будзе актыўны да 16 кастрычніка 2026 года. Мэта збора — 25 тыс еўра.

Сума пададзеная з улікам камісій банка і плацёжных сістэм.

Сума: €25 000