Палітзняволенаму Андрэй Фаміну за самвыдат «Веснікі» прызначылі 7 гадоў калоніі
4 ліпеня 2023
У Мінскім гарадскім судзе 21 чэрвеня да сямі гадоў калоніі ва ўмовах узмоцненага рэжыму асудзілі палітзняволенага Андрэя Фаміна. Яго абвінавацілі паводле трох артыкулаў Крымінальнага кодэкса: ч. 3 арт. 361 (заклікі да санкцый), ч. 1 арт. 342 (удзел у дзеяннях, якія груба парушаюць грамадскі парадак), ч. 3 арт. 361-1 (стварэнне экстрэмісцкага фармавання).
Пасля затрымання Андрэя паведамлялася, што ён нібыта быў рэдактарам і аўтарам артыкулаў для сеткі самвыду “Веснікі”, якую праз паўтара месяца пасля затрымання мужчыны прызналі “экстрэмісцкім фармаваннем”. Таксама Андрэя абвінавацілі ва ўдзеле ў Маршы 30 жніўня 2020 года.
Прысуд вынесла Анжэла Касцюкевіч. Па справе адбылося тры судовыя пасяджэнні.
Нагадаем, 29-гадовага Андрэя Фаміна затрымалі 27 кастрычніка 2022 года. Зранку да хлопца заявіліся супрацоўнікі ГУБАЗіКа і САХРа ў поўным баявым абмундзіраванні і са зброяй. Андрэя збівалі — гэта заўважна і на “пакаяльным” відэа, якое апублікавалі на наступны дзень пасля затрымання праўладныя Telegram-каналы. 9 снежня 2022 года групу грамадзян, аб’яднаных пад назвай “Веснікі”, прызналі “экстрэмісцкім фармаваннем”.
Чытайце яшчэ:
«Калі журналіст будзе рабіць два вялікіх якасных матэрыялы на месяц, яму на хлеб не хопіць». Гутарка з рэжысёркай Ксеніяй Галубовіч
Экс-рэдактара ліквідаванай «Новай газеты Смаргоні» пакаралі 7 суткамі арышту
Лукашэнка падпісаў рэпрэсіўныя змены ў закон, які ставіць крыж на незалежных СМІ ў Беларусі
@bajmedia
«Экстрэмісцкім» аб’яўлены асобны артыкул на сайце БАЖ пра звольненых супрацоўнікаў дзяржТБ
20.06.2023
Сафію Сапегу вызвалілі па памілаванні
07.06.2023
Журналіст «Камсамольскай праўды ў Беларусі» Генадзь Мажейка трапіў у «тэрарыстычны спіс»
29.06.2023
Сілавікі затрымалі брата палітоляга Валера Карбалевіча
05.11.2023
