Рэдактара «Інфа-Кур’ера» і яго намесніка змясцілі ў ізалятар, «Белсаюздрук» адмаўляецца браць газеты
Як стала вядома Беларускай асацыяцыі журналістаў, пасля ўчорашняга ператрусу ў рэдакцыі незалежнага слуцкага медыя «Інфа-Кур'ер» галоўны рэдактар і ўладальнік газеты Сяргей Станкевіч, а таксама яго намеснік Алег Рубчэня былі змешчаныя ў мясцовы ІЧУ.
Пакуль Сяргей Станкевіч і Алег Рубчэня застаюцца ў ізалятары нібыта на трое сутак нібыта за непадпарадкаванне. Аднак родныя, з якімі мы звязаліся, рыхтуюцца да больш горкага сцэнара і перажываюць, што гаворка можа ісці пра крымінальную справу, а не адміністратыўную.
З калег журналістаў, якія ўчора прысутнічалі ў рэдакцыі падчас вобшуку, былі ўзятыя падпіскі аб неразгалошванні. З іншых крыніц БАЖ стала вядома, што сілавікі ўчора падчас вобшуку забралі з рэдакцыі ўсю асноўную тэхніку.
Тыраж газеты, які паспеў ўчора выйсці, ужо адмаўляюцца прымаць крамы «Белсаюздруку».
«Інфа-Кур’ер» — недзяржаўнае грамадска-палітычнае выданне ў Слуцку, мае ўзважаную рэдакцыйную палітыку, выходзіць на паперы і ў інтэрнэце.
Нагадаем, учора таксама быў затрыманы галоўны рэдактар «Рэгіянальнай газеты» Аляксандр Манцэвіч.
Чытайце яшчэ:
У беларускіх медыйшчыкаў з рэгіянальных выданняў прайшлі ператрусы. Вядома пра затрыманні
Латвия заблокировала много российских СМИ, но местные порталы продолжают продвигать кремлёвские нарративы
«Цяжка ўявіць, што я больш ніколі не буду пісаць». Пагаварылі з калегамі, якія сышлі з журналістыкі
![](https://baj.media/wp-content/themes/baj/assets/images/telegram-logo.jpg)