Рэдактару «Інфа-Кур’ера» і яго намесніку прызначылі па 15 сутак арышту за непадпарадкаванне
17 сакавіка 2023
Сёння адбыўся суд над галоўным рэдактарам і ўладальнікам слуцкай незалежнай газеты «Інфа-Кур'ер» Сяргеем Станкевічам і яго намеснікам Алегам Рубчэнем. Як стала вядома Беларускай асацыяцыі журналістаў, суд Слуцкага раёна прызначыў медыйшчыкам па 15 сутак адміністрацыйнага арышту, прызнаўшы вінаватымі ў непадпарадкаванні міліцыі пры затрыманні.
Як паведамілі БАЖ, суд праходзіў у памяшканні Слуцкага РАУС. Родных і калег затрыманых журналістаў на пасяджэнне не пусцілі. На працэсе прысутнічала толькі адвакат.
Віну затрыманыя не прызналі.
Нагадаем, 15 сакавіка сілавікі правялі ператрус у офісе рэдакцыі «Інфа-Кур’ера», забралі ўсю асноўную тэхніку, а з прысутных узялі падпіску аб неразгалошванні. На наступны дзень наклад газеты адмаўляліся прымаць крамы «Белсаюздруку». Галоўны рэдактар і ўладальнік газеты Сяргей Станкевіч, а таксама яго намеснік Алег Рубчэня былі затрыманыя і да суда змешчаныя ў мясцовы ІЧУ.
Сёння рэдакцыя паведаміла, што нумар газеты «Інфа-Кур’ер» ад 16 сакавіка цяпер зноў можа набыць у шапіках «Белсаюздруку».
Чытайце яшчэ:
Журналіста Сяргея Сацука перавялі ў магілёўскую калонію
«Без нацыянальнага прымірэння нам не захаваць незалежнасці Беларусі». Адкрыты ліст Іосіфа Сярэдзіча
На фоне разгрому парэшткаў незалежнай прэсы міністр інфармацыі пахваліўся «прыбытковымі медыяхолдынгамі»
@bajmedia
«Беларускае Радыё Рацыя» таксама прызналі «экстрэмісцкім фарміраваннем»
23.01.2024
У Вільні да ўгодкаў Чарнобыльскай трагедыі адкрыецца выстава легендарнага фатографа Уладзіміра Сапагова
26.04.2024
«В сильном государстве, в таком государстве…» Министр спорта считает, что телеканал «Беларусь 5» должен быть бесплатным
24.10.2023
«Ryanair» адмовіў у пасадцы беларускаму ўцекачу, які меў ляцець з Літвы праз Брытанію
19.06.2023
