Родныя Анджэя Пачобута не атрымліваюць ад яго лістоў амаль тры тыдні

Аксана Пачобут падкрэслівае, што да яе мужа не можа патрапіць адвакат.

«Таксама стала вядома, што Андрэй у ШЫЗА. Верагодна, другі ці трэці раз запар. Невядома, як ён там трымаецца без лекаў», — перажывае спадарыня Аксана.

Як зазначыла жанчына, на дадзены момант яна практычна нічога не ведае пра мужа: 

«Акрамя таго, што развіваюцца падзеі па найгоршым сцэнары, калі чалавек проста знікае ў калоніі без якіх-небудзь вестак. Прыбыўшы месяц таму ў калонію Наваполацка, Андрэй паведаміў пра гэта ў лісце. Таксама ён паспеў паведаміць, што адразу ж у карантыне яго абвясцілі злосным парушальнікам і пазбавілі перадач і спатканняў».

Анджэй Пачобут быў затрыманы 25 сакавіка 2021 года ў Гродне па так званай «польскай справе» разам з іншымі актывістамі Саюза палякаў Беларусі. За артыкул пра напад СССР на Польшчу ў верасні 1939-га Анджэя Пачобута абвінавацілі ў «распальванні варожасці па нацыянальнай прыкмеце». У публікацыі Пачобут назваў агрэсіяй напад СССР на Польшчу 17 верасня 1939 года.

Таксама ў матэрыялах крымінальнай справы фігуравалі заявы журналіста ў абарону польскай меншасці ў Беларусі, артыкул пра падаўленне беларускіх пратэстаў у 2020 годзе і тэкст ад 2006 года пра аднаго з камандзіраў польскага антыкамуністычнага падполля на Гродзеншчыне.

8 лютага 2023 года ў абласным судзе Гродна суддзя Дзмітрый Бубенчык прыгаварыў журналіста да 8 гадоў пазбаўлення волі з адбываннем у калоніі ўзмоцненага рэжыму.

Чытайце яшчэ:

Аляксандра Ханевіч: «У іх зброя, а ў нас толькі праўда і ўсё»

Подпісу Лукашэнкі не паказалі. Заключныя фрагмэнты кнігі Алега Грузьдзіловіча

Мининформ включил медиа «План Б» в список «экстремистских материалов»