Сайт «Позірк» і тэлеграм-канал «WARTA — беларускае нацыянальнае медыя» аб’яўленыя ўладамі «экстрэмісцкімі матэрыяламі»
8 снежня 2023
Напрыканцы тыдня беларускія ўлады пашырылі свой «Рэспубліканскі спіс экстрэмісцкіх матэрыялаў», які агрэгуе на сваім сайце Міністэртва інфармацыі. У шырокім пераліку новаабвешчаных — інфармацыйны сайт «Позірк» і тэлеграм-канал «WARTA – беларускае нацыянальнае медыя».
Паводле Мінінфарма, кантэнт інфармацыйнага сайта «Позірк» (pozirk.online) прызнаны «экстрэмісцкімі матэрыяламі» судом Цэнтральнага раёна Мінска. Адпаведнае рашэнне было прынятае 5 снежня 2023 года.
Медыяпраект «Позірк» створаны ў вымушанай эміграцыі часткай каманды незалежнага інфармацыйнага агенцтва БелаПАН і інтэрнэт-газеты Naviny.by, разгромленых уладамі ў 2021 годзе. Сёлета 21 красавіка гэты ж суд ужо прызнаваў «экстрэмісцкім» кантэнт «Позірка» ў сацсетках і на сайце bpn-info.online.
Таксама рашэннем суда Баранавіцкага раёна і горада Баранавічы ад 5 снежня прызнаны «экстрэмісцкімі матэрыяламі» тэлеграм-канал «WARTA – беларускае нацыянальнае медыя» (ідэнтыфікатар https://t.me/wartabelarus).
Медыяпраект WARTA паўстаў у 2023 годзе і пазіцыянуе сябе як «новае нацыянальна-арыентаванае медыя, створанае дзеля пашырэння беларускага кантэнту, нацыянальнай палітычнай аналітыкі, культурніцкіх і асветніцкіх матэрыялаў».
Чытайце яшчэ:
Ізноў затрымана рэдактарка светлагорскага «Ранку». Яе калега таксама ў ІЧУ
1000 дзён без каханага чалавека. Размова з Вольгай Івашынай — жонкай журналіста, асуджанага за працу на 13 гадоў
Руководитель Белорусского расследовательского центра получил награду от Госдепартамента США
@bajmedia
ChatGPT будет брать информацию для обучения из ведущих мировых медиа
18.12.2023
Журналіст Яўген Меркіс адбывае зняволенне ў Шклове
20.09.2023
Сайт Светлагорскага тэлеканала «Ранак» перастаў адкрывацца як у Беларусі, так і за яе межамі
20.06.2023
Міністэрства інфармацыі заблакавала рэгіянальны сайт з Брэста
24.07.2023
