Сяргею Сацуку ў калоніі нарэшце пачалі даваць лекі
9 сакавіка 2023
Амаль месяц таму стала вядома, што журналіст-расследвальнік Сяргей Сацук мае вялікія праблемы з лекамі. У медыйшчыка сардэчнае захворванне, і яму трэба штодзень раніцай і вечарам прымаць адмысловыя таблеткі. Блізкія журналіста паведамілі, што неабходныя лекі ў турму перадавалі, але іх чамусьці Сяргею не аддавалі.
— Зараз, дзякуй Богу, лекі нармальна даюць, — кажа Аляксандр Сацук, брат журналіста. — Усё, што мы яму перадалі, натуральна, на рукі не выдалі, але штодзень пэўную норму таблетак Сяргей атрымлівае. Таму зараз праблем з доступам да лекаў няма.
— Якія яшчэ навіны ад брата?
— Наколькі вядома, цяпер ён знаходзіцца ў каранціне, хаця не выключаю, што ўжо маглі размеркаваць у атрад.
— Некаторых вязняў вызваляюць ад працы ў калоніі, калі стан здароўя не дазваляе…
— Я лічу, што па стане здароўя Сяргей наогул не павінен знаходзіцца за кратамі. У брата два сур’ёзныя захворванні… Наколькі вядома, гэта прапісана ў некаторых заканадаўчых дакументах. Іншая справа, як усё гэта прымяняецца на практыцы.
— Пасля разгляду апеляцыі Вярхоўным судом Сяргей сустрэўся з блізкімі…
— Так, была сустрэча з жонкай. Зараз са спатканнямі, напэўна, могуць быць праблемы, бо Сяргея паставілі на прафілактычны ўлік, як схільнага да парушэнняў рэжыма. Многіх “палітычных” ставяць на такі ўлік. Таму не выключаю, што могуць быць абмежаванні і ў спатканнях, і з перадачамі.
Сяргей Сацук — галоўны рэдактар заблакаванага інтэрнэт-партала «Ежедневник», аўтар рэзанансных расследаванняў пра факты карупцыі ў дзяржаўнай сістэме. Ён асуджаны на 8 гадоў зняволення з адбыццём пакарання ў калоніі ўзмоцненага рэжыму.
Чытайце яшчэ:
Як міжнародная супольнасць адрэагавала на прызнанне БАЖ «экстрэмісцкім фармаваннем»: АБСЕ, «Рэпарцёры без межаў», ЕФЖ і іншыя
«Рэпрэсіі працягваюцца, 32 супрацоўнікі СМІ ў зняволенні». Платформа бяспекі журналістаў Савета Еўропы — пра Беларусь
Апеляцыя асуджанага відэааператара Івана Мураўёва будзе разглядацца ў закрытым рэжыме
@bajmedia
Беларуская федэрацыя футбола атрымлівае поўны пакет акцый «Прэсбола». Газета цалкам пяройдзе пад кантроль дзяржавы
06.10.2023
«Мы яшчэ не закальцавалі эпоху. Пачакайце». Фотапраект Сяргея і Дзмітрыя Брушко паказалі ў Музеі Вольнай Беларусі
28.03.2024
Распачаўся суд над Ігарам Карнеем — яго судзяць за ўдзел у экстрэмісцкім фарміраванні
19.03.2024
Сайт «Позірк» і тэлеграм-канал «WARTA — беларускае нацыянальнае медыя» аб’яўленыя ўладамі «экстрэмісцкімі матэрыяламі»
08.12.2023
