У магілёўскага журналіста Барыса Вырвіча адбыўся ператрус. Ён сам на свабодзе

Барыс Вырвіч — былы шэф-рэдактар партала 6ТV.bу. Праваабаронцам стала вядома, што па месцы жыхарства незалежнага журналіста ў Бялыніцкім раёне прайшоў вобшук, а самаго гаспадара адвезлі на допыт.

У спадара Вырвіча канфіскавалі ўсю тэхніку і мабільныя тэлефоны. Яго самаго ўжо адпусцілі. 

Па меркаванні «Вясны» вобшук можа быць звязаны з тым, 4 снежня 2023 года з’явілася рашэнне аб прызнанні 6ТV.bу «экстрэміскім фармаваннем», прынятае Камітэтам дзяржаўнай бяспекі.

У якасці групы грамадзян, якія здзяйснялі «экстрэмісцкую дзейнасць» на згаданых медыярэсурсах, КДБ пералічыў журналістаў з Магілёва: Змітра Салаўёва, Уладзіміра Лапцэвіча і Аляксандра Буракова (старэйшага).

Паводле дзеючага беларускага заканадаўства, асобы, прызнаныя ўдзельнікамі экстрэмісцкага фармавання, могуць быць прыцягнутыя да крымінальнай адказнасці па артыкулах «Стварэнне экстрэмісцкага фармавання альбо ўдзел у ім» (арт. 361–1 КК) ці  за «Садзейнічанне экстрэмісцкай дзейнасці» (арт. 361–4 КК). Санкцыі паводле гэтых артыкулаў — да 10 гадоў пазбаўлення волі.

Чытайце яшчэ:

«Папяровыя шчыты не дапамагаюць». Юрысты ўздымаюць пытанне аб абароне крыніц інфармацыі

Гераіня праграмы «Белсату» назвала Франака Вячорку агентам спецслужбаў — хутка відэа выдалілі. Што адбываецца?

Што беларусы чыталі 100 гадоў таму ў незалежнай прэсе?