У розных гарадах Беларусі за інтэрв’ю «экстрэмісцкім СМІ» распачынаюць крымінальныя справы

За інтэрв’ю «экстрэмісцкім СМІ» распачалі крымінальныя справы супраць праграміста і жыхаркі Гродна а таксама супраць жыхаркі Пружанскага раёну, якая нядаўна вярнулася ў Беларусь з‑за мяжы. 

Пра гэта паведамляе Следчы камітэт.

Следчымі Дзятлаўскага раённага аддзела СК распачата крымінальная справа за садзейнічанне экстрэмісцкай дзейнасці ў дачыненні да 41-гадовага ўраджэнца Гомеля. Па дадзеных следства, мужчына ў красавіку мінулага года даў інтэрв’ю інтэрнет-рэсурсу, прызнанаму «экстрэмісцкім».

Паведамляецца, што па месцы рэгістрацыі ў Дзятлаўскім раёне мужчына не пражываў, таму цяпер праводзіцца комплекс мерапрыемстваў па ўстанаўленні яго месцазнаходжання.

За аналагічныя дзеянні Гродзенскім міжраённым аддзелам СК распачата крымінальная справа ў дачыненні да 21-гадовай жыхаркі абласнога цэнтра.

Зэльвенскім раённым аддзелам Следчага камітэта ёй прад’яўлена абвінавачанне па ч.1 і ч.2 арт. 361–4 (садзейнічанне экстрэмісцкай дзейнасці). З санкцыі пракурора да яе прыменена мера стрымання ў выглядзе ўзяцця пад варту.

Вядома, што пасля падзей 2020 года жанчына з’ехала ў Еўропу. Пражывала ў Польшчы, Італіі, Нідэрландах. Прыбыўшы на тэрыторыю Рэспублікі Беларусь, у пачатку бягучага года, была затрымана супрацоўнікамі міліцыі.

Чытайце яшчэ:

“Я бачыў кнігу не як нейкую сухую біяграфію, а гісторыяй чалавека”. Гутарка з аўтарам першага выдання пра Ціханоўскую

“Я уехала, чтобы приносить пользу Беларуси”. Ради чего Александра Богуславская прервала журналистскую карьеру

Каханне на адлегласці: журналісты пра свае сямейныя стасункі, нягледзячы на мяжу