Віцебскую журналістку Жанну Жалевіч адпусцілі з ІЧУ да суда
Жанну Жалевіч – пад такім творчым псеўданімам яе ведаюць чытачы інтрэрнэт-выдання “Витебский курьер" – вінавацяць у несанкцыянаваным пікетаванні. Паводле матэрыялаў справы, якую распачалі міліцыянты па артыкуле 24.23 КаАП, Жанна Іванова (гэта сапраўднае прозвішча журналісткі) парушыла заканадаўства ажно чатыры разы.
Прычына адміністрацыйнага пераследу — ад 2020 года яна размясціла ў Instagram і “Одноклассниках” некалькі фотаздымкаў з беларускай нацыянальнай сімволікай. На думку супрацоўнікаў аддзела ўнутраных спраў Першамайскага раёна Віцебска, гэта ёсць прыкметамі пікетавання без дазволу мясцовых органаў улады.
Пасля знаёмства з пратаколам Жанну Іванову (Жалевіч) затрымалі і адвезлі ў ізалятар часовага ўтрымання. Аднак лекары ІЧУ не пагадзіліся прыняць жанчыну са складанай хранічнай хваробай. Да слова, яшчэ ў міліцыі ёй стала кепска, спадарыня Жанна выклікала хуткую дапамогу, але атрымала толькі прапанову выпіць лекі ад ціску.
Журналістку адпусцілі пад падпіску пра тое, што яна добраахвотна явіцца ў суд Першамайскага раёна 18 лістапада аб 11 гадзіне. Паводле санкцыі атрыкула, ёй пагражае штраф альбо арышт, калі суд не палічыць праблемы са здароўем важкай прычынай.
Чытайце яшчэ:
Эдуард Мельников: «Горком закрыл мои прямые эфиры: во время их рабочие крыли последними словами то, что творилось в промышленности»
Журналіста Аляксандра Любенчука этапавалі ў магілёўскую турму №4
Наступную прэмію імя Францішка Аляхновіча ўручаць у 2023‑м. Сёлета ўручэньня ня будзе
![](https://baj.media/wp-content/themes/baj/assets/images/telegram-logo.jpg)