Завод «Прамень» выпусціў калекцыю гадзіннікаў, прысвечаную Пацу-Вацу
Кожны год Мінскі гадзіннікавы завод «Прамень» выпускае калекцыю гадзіннікаў «Асоба», прысвечаную якой-небудзь культавай асобе Беларусі. Сёлета калекцыя прысвечаная лялечнаму вядучаму 1990-х гадоў, які пакінуў яркія ўспаміны ў галовах і сэрцах цэлага пакалення, піша "Наша Ніва".
Паца-Ваца быў героем і «вядучым» беларускай тэлевізійнай праграмы «Мульціклуб» на працягу 14 гадоў. Нядзельны эфір перадачы тады займаў трэцяе месца ў рэйтынгу праглядаў сярод дзіцячай аўдыторыі Беларусі пасля мультфільмаў Уолта Дыснея і праграмы «Ералаш».
Паводле легенды, іншаземны вандроўнік бадзяўся ў космасе, каб выратаваць сваю паміраючую ад нуды планету Альфа-Мега-Цэнтаўра. У выніку ён наткнуўся на Зямлю. Тут яго выпадкова ўбачыла маленькая дзяўчынка Наташа. Яна пазнаёміла Пацу-Вацу са светам мультыплікацыі, і тады зялёны вандроўнік стаў рэгулярна адпраўляць на сваю родную планету самыя цікавыя мультфільмы, нагадвае Blizko.by.
У калекцыйных гадзінніках на бакавой паверхні корпуса размешчаны касмічны алфавіт Пацы-Вацы, а на адваротным баку выгравіраваны партрэт персанажа ў асяроддзі зорак і планет.
Калекцыя лімітаваная: кожнай мадэлі гадзінніка па 150 штук.
Чытайце яшчэ:
«Трымаемся праўды, трымаемся разам!» З Вільні стартаваў марафон салідарнасці са зняволенымі калегам
«Я застаюся, каб тым, хто зараз за кратамі, і тым, хто быў вымушаны з’ехаць, было куды вяртацца»: погляд журналістаў знутры краіны
Прадстаўнікі журналісцкіх саюзаў Еўропы 3 траўня выступілі ў падтрымку беларускіх калег
![](https://baj.media/wp-content/themes/baj/assets/images/telegram-logo.jpg)