• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Два журналісты Reuters асуджаныя ў М’янме на 7 гадоў турмы

    Два карэспандэнты агенцтва Reuter, Ва Лонэ і К’яў Соэ У якія пісалі пра тое, што ўлады М’янмы перасьледуюць прадстаўнікоў мусульманскай меншасьці рагінгʼя, прысуджаныя судом Мʼянмы да сямі гадоў турмы.

    https://baj.media/sites/default/files/event/preview/7d0c9d6f-9418-4cb2-967f-38de65a277d7_w1023_r1_s.jpg

    Афіцыйна прысуд ім вынесены за «парушэньне закону аб дзяржаўнай таямніцы», а менавіта абнародаваньне сакрэтных дакумэнтаў аб апэрацыі супраць рагінгʼя.

    Пачынаючы з канца жніўня 2017 года ў штаце Ракхайн на захадзе Мʼянмы паліцыя і армія ў рамках ваеннай «акцыі помсты» за напад на паліцэйскіх забілі некалькі сотняў мусульманаў-рагінгʼя. Каля 700 тысяч рагінгʼя за гэты ж час зьбеглі ў суседні мусульманскі Банглядэш або на незаселеныя выспы ў бэнгальскім заліве. Яны да гэтага часу жывуць у лягерах бежанцаў у антысанітарных умовах. Улады Мʼянмы таксама арыштавалі па падазрэньні ў «тэрарызьме» сотні прадстаўнікоў рагінгʼя.

    Экспэрты ААН, якія вывучалі сытуацыю з рагінгʼя ў Мʼянме, на мінулым тыдні выпусьцілі справаздачу, у якой сказана: «Злачынствы ў штаце Ракхайн маюць падобную зь генацыдам прыроду і сфэру прымяненьня».

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці