• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    «Гісторыя скончаная». Прадаецца «Кальянная №1» асуджанага прадпрымальніка і журналіста Івана Мураўёва

    На спецыялізаваным партале ў сферы нерухомасці Realt.by з’явілася абвестка аб продажы кавярні, якая стала культавым месцам у асяродку мінскіх творцаў — гаворка пра «Кальянную №1», якую заснаваў бізнесовец Іван Мураўёў. Сёлета яго асудзілі нібыта за «спрыянне экстрэмісцкай дзейнасці». 

    «Прадаецца легендарная «Кальянная №1» па адрасе вул. Маркса, 33. Месца з шыкоўнай 13-гадовай гісторыяй. Першая падобная спецыялізаваная ўстанова ў Беларусі, якая адкрыла публіцы культуру кальянакурэння і шмат гадоў была месцам прыцягнення аматараў духмянага дыму. Тут свая асаблівая атмасфера і даўнія прыхільнікі. Многія хоць і выраслі з тусовачнага ўзросту, але ўсё роўна з цеплынёй узгадваюць нашу ўстанову. Усё зроблена з душой і для сябе», — гаворыцца ў анатацыі да «лота». 

    Як стала вядома Беларускай асацыяцыі журналістаў, гаспадар установы Іван Мураўёў сам ініцыяваў з‑за кратаў такі фінал для свайго дзецішча, канстатаваўшы, што ў цяперашніх умовах «гісторыя скончаная».

    Аднадумцы спадзяваліся працягнуць справу, аднак у адсутнасць сапраўднага «лакаматыва» ўтрымліваць гаспадарку аказалася занадта стратна: каб трымацца на плыву, трэба штосьці закладваць на арэнду ды іншыя выдаткі. А гэты рэсурс не бязмежны.

    Акрамя таго, ці не большая частка сталых кліентаў ужо не ў Беларусі, а некаторых напаткаў лёс самога гаспадара. А ў адсутнасць стабільнага абароту фінансавыя паказнікі моцна «кульгаюць». І нават калі не знойдзецца пакупнікоў, пры самым кепскім варыянце «Кальянная №1» урэшце стане здабыткам гісторыі, кажуць абазнаныя паплечнікі прадпрымальніка.

    Бізнесоўца, відэааператара Іван Мураўёва, які ў якасці фрылансера супрацоўнічаў з незалежнымі медыя, затрымалі ў канцы жніўня 2022 года ў згаданай «Кальяннай №1», яго абвінавацілі паводле арт. 361–1, ч. 3 Крымінальнага кодэкса РБ — «стварэнне экстрэмісцкага фармавання ці ўдзел у ім».

    Суд адбываўся ў рэжыме поўнай сакрэтнасці, але, як стала вядома БАЖ,  падставай для пераследу сталі здымкі для журналісцкага расследавання пра карупцыю ў найвышэйшых эшалонах улады на тэлеканале «Белсат».

    26 снежня 2022 года суддзя Мінскага гарадскога суда Алена Шылько прыгаварыла Івана Мураўёва да 2,5 гадоў пазбаўлення волі ў калоніі агульнага рэжыму — столькі, колькі перад тым запатрабавала прадстаўніца пракуратуры.

    Праваабарончая супольнасць Беларусі прызнала Івана Мураўёва палітычным вязнем, а ягоны арышт — помстай за прафесійную дзейнасць.

    Нават не чакаючы пратэсту з боку адваката, асуджанага даставілі з СІЗА №1 Мінска ў следчы ізалятар пры магілёўскай турме № 4. Там ён і чакаў далейшага «размеркавання».

    Сёлета 10 сакавіка Вярхоўны суд Беларусі ў закрытым пасяджэнні без прысутнасці сведак адхіліў апеляцыю абароны фрылансера і прадпрымальніка на прысуд першай інстанцыі — суддзя Сяргей Гураў не знайшоў падставы адправіць на перагляд ці змякчыць абвешчаны вырак.

    Неўзабаве палітвязня этапавалі ў папраўчую ўстанову № 2 Бабруйска, дзе ён пачаў адбываць прызначаны тэрмін зняволення. 

      На пачатку красавіка Міністэрства ўнутраных спраў Беларусі папоўніла пералік грамадзян, нібыта датычных да «экстрэмісцкай дзейнасці», дадаўшы туды і фрылансера Івана Мураўёва. 

    Сам Іван Мураўёў раней адзначаў, што мог бы спакойна існаваць за кошт сваёй кальяннай, але сапраўдны адрэналін атрымліваў ад творчых эксперыментаў у якасці відэааператара. 

    Чытайце яшчэ:

    Команда The Village Беларусь покидает проект из-за отсутствия финансирования

    «Для іх падзеі ў нашым рэгіёне — гэта канфлікт Расіі з краінамі-спадарожнікамі». Беларускі журналіст пра наведванне Паўднёвай Карэі

    На прэс-канферэнцыю Альшэўскага пасля матчу са «Слуцкам» не прыйшлі журналісты

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Акцэнты

    Теперь консул может только изъять паспорт. Что означает новый указ для белорусов, уехавших из страны?

    Очередное решение властей, которое поражает в правах белорусов.  Лукашенко подписал указ, которым изменил порядок выдачи документов в посольствах и консульствах за границей. Теперь там нельзя продлить или получить паспорт. Как же быть? Комментирует юридическая служба БАЖ.
    05.09.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці