Гомельскія журналісты абскардзілі буйныя штрафы

15 красавіка суд прызнаў абоіх журналістаў вінаватымі па арт. 22.9 КаАП ч. 2 (“незаконны выраб і распаўсюд прадукцыі СМІ”) і аштрафаў на 7,5 мільёнаў рублёў кожнага (па 35 базавых велічыняў).

“Будучы неакрэдытаванымі ў якасці журналістаў замежнага СМІ, незаконна вырабілі інфармацыйны матэрыял пра наведванне Гомеля прадстаўніком Управы вярхоўнага камісара ААН па справах уцекачоў у Беларусі Жан-Івам Бушардзі», які пасля быў прадэманстраваны польскім тэлеканалам “Белсат”, – да такой высновы прыйшоў раённы суддзя, прысудзіўшы па 7,5 мільёнаў рублёў штрафу кожнаму журналісту.

На пачатку пасяджэння фрылансер Жукоўскі на знак пратэсту надзеў на рот павязку і адмовіўся даваць тлумачэнні ды адказваць на пытанні судздзі, бо ён не задаволіў хадайніцтва Жукоўскага, каб яго інтарэсы як чальца ГА «БАЖ» падчас разгляду справы прадстаўляў сябра арганізацыі, юрыст Леанід Судаленка. Таксама суддзя не дазволіў журналісту скарыстацца паслугамі бясплатнага дзяржаўнага адваката.  

Юрыст Леанід Судаленка, які дапамагае журналістам абскарджваць штрафы, кажа, што суддзя ў абодвых выпадках узяў на сябе адказнасць за невыкананне артыкулаў 23 і 34 Канстытуцыі і артыкула 19 Міжнароднага Пакту аб грамадзянскіх ды палітычных правах. А спадара Жукоўскага суддзя пазбавіў яшчэ і права на абарону.

“Карыстанне правам на свабоду атрымання і распаўсюду інфармацыі можа падлягаюць пэўным абмежаванням, аднак яны павінны быць не толькі прадугледжаны законам, але і з’яўляцца неабходнымі ў інтарэсах нацыянальнай бяспекі, грамадскага парадку, абароны маральнасці, здароўя насельніцтва, правоў і свабодаў іншых асобаў. Абмяжоўваючы правы журналістаў, суд не змог прадэманстраваць, для дасягнення якой з пералічаных мэтаў ён прыцягвае да адказнасці незалежных журналістаў”, — падкрэсліў юрыст.

Сёлета фрылансера Кастуся Жукоўскага ўжо сёмы раз пакаралі штрафам за супрацу з «Белсатам». Пасля суду на знак пратэсту Кастусь Жукоўскі зашыў сабе рот.

Гомельскіх фрылансераў аштрафавалі на 35 базавых велічынь кожнага