• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Гродзенскі карэспандэнт “Народнай Волі” Васіль Герасімчык прэзентаваў кнігу “Канстанцін Каліноўскі: асоба і легенда”

    Кніга выйшла адмыслова да 180-годдзя кіраўніка паўстання 1863–1864 гадоў Кастуся Каліноўскага, якое адзначаецца 2 лютага.

    За тыдзень, з 2 па 9 лютага, сустрэчы з аўтарам кнігі ў Гродне адбыліся ў гарадской бібліятэцы імя Макаёнка, у зале, дзе збіраюцца актывісты незалежнага Саюза палякаў, а таксама ў этнакраме “Цудоўня”, якая выконвае функцыю незалежнай прасторы для гісторыкаў, музыкаў і грамадскіх актывістаў.

    На кожнай з сустрэч аўтар кнігі распавядаў пра новыя і цікавыя факты, звязаныя з біяграфіяй Кастуся Каліноўскага. Напрыклад, пра тое, што сям’я Каліноўскіх мела 25 дзяцей, а самыя вядомыя з іх гэта Віктар і Кастусь Каліноўскі.

    Васіль Герасімчык падчас сустрэчаў з гродзенцамі адзначыў, што вокладка кнігі змяшчае шэраг сімвалаў. Па-першае, гэта — карта, якая сімвалізуе асобу і легенду. Другое — гэта нумар “Мужыцкай Праўды”, якую аўтар знайшоў у віленскіх архівах, а па-трэцяе — гэта выява помніка паўстанцам Каліноўскага, які знаходзіцца побач з вёскай Слабодка, непадалёку ад беларуска-літоўскай мяжы.

    На першай прэзентацыі журналіст прадставіў прысутным імправізаваную урну з зямлёй, якая была прывезеная ім з Вільні, з гары Гедэміна, дзе па папярэдніх дадзеных знаходзіцца магіла Каліноўскага.

    Таксама на гэтай сустрэчы Васіль Герасімчык падарыў адмысловую цішотку з выявай Каліноўскага людзям, якія дапамагалі ў стварэнні кнігі, яшчэ некалькі цішотак былі разыграныя падчас імправізаванай віктарыны.

    Наступная прэзентацыя кнігі Васіля Герасімчыка «Канстанцін Каліноўскі: асоба і легенда» адбудзецца ў Мінску 14 лютага  ў офісе Таварыства беларускай мовы імя Ф. Скарыны (вул. Румянцава, 13) у 18:45.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці