• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Экстрэмісцкай інфармацыйнай прадукцыяй прызналі тры артыкулы на сайце Media IQ

    Як паведамляецца на сайце Міністэрства інфармацыі, якое складае Рэспубліканскі спіс экстрэмісцкіх матэрыялаў, адпаведнае рашэнне прыняў 4 ліпеня суд Партызанскага раёна Мінска.

    media IQ

    Паводле судовага рашэння, экстрэмісцкім прызнаны артыкул «Серьёзный батл на лучшую фабрику фейков. Беларусские госСМИ обвиняют западные медиа в нагнетании ситуации между Россией и Украиной» (ідэнтыфікатар mediaiq.info/seryoznyy-batl-na-luchshuyu-fabriku-feykov-belarusskie-gossmi-obvinyayut). Гэты тэкст, аўтаркай якога пазначана Рына Віж, выйшаў на сайце яшчэ ў лютым 2022 года.

    Тады ж у лютым быў апублікаваны і артыкул «Конституционный референдум: в центре внимания процедура, а не суть изменений» (ідэнтыфікатар mediaiq.info/konstitucionnyy-referendum-v-centre-vni). Аўтар публікацыі — вядомы ў Беларусі медыяэксперт Паўлюк Быкоўскі.

    У экстрэмісцкі спіс Мінінфарма ўключылі і артыкул «От «можем защитить» до «можем повторить» — один шаг. Как изменился милитаристский нарратив в Беларуси» (ідэнтыфікатар mediaiq.info/ot-mozhem-zashhitit-do-mozhem-povtorit-odin-shag-kak-izmenilsya-militaristskij-narrativ-v-belarusi). Ён апублікаваны літаральна два тыдні таму, 24 чэрвеня 2024 года. Аўтарам пазначаны Андрэй Пячэнін.

    Сёлета 13 чэрвеня Міністэрства інфармацыі на падставе судовага рашэння ўжо ўнесла ў пералік «экстрэмісцкіх матэрыялаў» сайт і сацсеткі праекта Media IQ. 

    18 чэрвеня 2024 года Камітэт дзяржбяспекі прызнаў медыяпраект Media IQ «экстрэмісцкім фарміраваннем». Рашэнне набыло сілу ў той жа дзень, але звесткі пра гэта з’явіліся на сайце Міністэрства ўнутраных спраў толькі праз шэсць дзён. У абноўленым 24 чэрвеня пераліку «экстрэмісцкіх фарміраванняў» у якасці датычных згадваюцца Надзея Белахвосцік, Паўлюк Быкоўскі, Алена Верашчагіна, Дар’я Глухава, Віктар Малішэўскі, Паліна Піткевіч, Антон Сайфулаеў, Аляксей Худанаў і Алла Шарко. На думку КДБ, гэтыя асобы маюць дачыненне да «дзейнасці экстрэмісцкага фарміравання».

    Media IQ — гэта праект беларускага Прэс-клуба пра развіццё крытычнага мыслення ў лічбавую эпоху ў свеце fake news. «Мы прасоўваем культуру свядомага стаўлення да інфармацыі ў медыях», — так акрэсліваюць сваю місію ўдзельнікі ініцыятывы.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці