Кангрэсмэн ЗША Крыс Сьміт на сустрэчы з Лукашэнкам заступіўся за журналістаў

Сьміт расказаў, што сустрэча Аляксандра Лукашэнкі зь ім 6 ліпеня была «шчырай і ветлівай» — у адрозьненьне ад сустрэчы ў 2009 годзе, калі Лукашэнка назваў Сьміта «ворагам № 1 беларускага народу».

Паводле Сьміта, «дарожная карта» для Беларусі, якая дазволіць не апынуцца пад пагрозай пашырэньня санкцыяў, уключае рэгістрацыю палітычных партыяў, у тым ліку Беларускай хрысьціянскай дэмакратыі (апошняя партыя, КХП БНФ, была зарэгістраваная ў 2000 годзе, а БХД адмаўляліся рэгістраваць 6 разоў), свабоду сходаў і дазвол журналістам вольна працаваць.