Беларусь у 5000 знаках. Адкрытая лекцыя Рафаэля Майндэра па працы з беларускай тэматыкай (1 лютага)

Фармат сустрэчы:

Вы можаце слухаць лекцыю ўжывую ў Варшаве або далучыцца анлайн з любой кропкі свету. Будзе даступны пераклад з англійскай на рускую.

Зарэгістравацца на лекцыю

Што абмяркуюць:

• беларускія тэмы, якія прыцягваюць журналістаў вядучых замежных медыяў і іх рэдактараў;

• этапы стварэння тэксту: інтэрв’ю і пошук інфармацыі, у тым ліку камандзіроўкі ў Беларусь;

• залаты стандарт FT: аб’ём, праца з наратывам, уменне бачыць галоўнае і адсякаць лішняе;

• пытанні да выкладчыка.

Рафаэль Майндэр — карэспандэнт брытанскага выданьня Finan­cial Times у Цэнтральнай Еўропе, жыве ў Варшаве. Раней асвятляў падзеі ў Іспаніі і Партугаліі для The New York Times. Працаваў у FT з 2000 па 2010 год у Парыжы, Бруселі, Сіднэі і Ганконгу ў якасці рэгіянальнага карэспандэнта ў Азіі, а ў 2022 годзе вярнуўся ў выданне ў якасці карэспандэнта ў Цэнтральнай Еўропе. Рафаэль швейцарац, працаваў журналістам у агенцтве Bloomberg News у Цюрыху. Ён таксама аўтар дзвюх кніг пра Іспанію.