• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Трэнінг па вэрыфікацыі інфармацыі (рэгістрацыя да 4 кастрычніка ўключна)

    14-16 кастрычніка ў Менску ўкраінскія адмыслоўцы правядуць трэнінг па вэрыфікацыі інфармацыі для журналістаў.

    417b52953460cb346eeeceff6030e56444f32d61

    Мэта трэнінгу — навучыць журналістаў беларускіх выданьняў сродкам і праграмным інструмэнтам праверкі інфармацыі на сапраўднасьць, своечасова й апэратыўна выкрываць фэйкі.

    У выніку трэнінгу ўдзельнікі навучацца:

    — хутка правяраць праўдзівасць візуальнага кантэнту (фота ды відэа) ў Сеціве

    — аналізаваць профілі ў сацыяльных сетках для вызначэньня сапраўднасці інфармацыі, апублікаванай ад імя акаўнтаў

    — вызначаць фэйкавыя навіны ды замоўныя матэрыялы

    — рэагаваць на сытуацыі, калі рэдакцыя памылкова публікуе фэйкавую навіну

    — карыстацца з сучасных інструмэнтаў спраўджэньня інфармацыі, якія ўжываюць такія вядомыя рэдакцыі ды каманды расьледнікаў як Bellingcat, Buzzfeed, Vicenews і г.д.

    Да ўдзелу ў варштаце запрашаюцца журналісты, якія актыўна працуюць у Беларусі і хочуць палепшыць якасьць свайго кантэнту.

    Арганізатары забяспечваюць харчаванне, пакрыццё выдаткаў на праезд і пражыванне для тых удзельнікаў, якія будучь адабраныя для ўдзелу ў трэнінгу.

    Кароткія біяграфіі трэнэраў і праграма прыведзеныя ніжэй.

    Для таго, каб заявіцца, просім да 04.10 (уключна) запоўніць форму вось тут.  Арганізатары скантактуюцца з абранымі ўдзельнікамі варштату да 05.10.

    Усе пытаньні кіруйце, калі ласка, на адрас alaksiej.lavoncyk@tol.org.

    Трэнеры:

    Тарас Ількіў — журналіст і рэдактар з дзевяцігадовым досведам работы ў онлайн-медыя. Працаваў у найбуйнейшым ўкраінскім навінавым выданні Корреспондент.net шэсць гадоў, адкуль звольніўся разам з усёй рэдакцыяй у лістападзе 2013 года. У 2014-м разам з былымі калегамі па Карэспандэнту запускаў праект Новое время, дзе да канца 2015 працаваў кіраўніком навінавага аддзела.

    Цяпер працуе як трэнер і кансультант у галіне онлайн-медыя, а таксама займаецца ўласнымі праектамі. Скончыў праграму DFJ ў Магілянскай школе журналістыкі, таксама праходзіў вучобу ў лонданскім офісе Reuters.

    Віталь Мароз займае пасаду кіраўніка праграм новых медыя ў ГА “Інтерньюз-Украіна”, адной з самых медыйных грамадскіх арганізацый ва Украіне.

    У Інтерньюз-Украіна ён адказвае за развіццё інавацыйных адукацыйных праектаў для журналістаў. Праводзіць навучанне і развівае праграмы, накіраваныя на працу онлайн-СМІ, сацыяльных медыя, лічбавай камунікацыі і лічбавай бяспекі.

    У 2015 годзе разам з камандай запусціў праект Verify.org.ua для праверкі інфармацыі, цяпер працуе над онлайн-курсам па верыфікацыі для журналістаў з постсавецкай прасторы. Twitter: @insider_ua

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці