Вэбінар «Новыя пагрозы журналістам: Як іх выяўляць і прадухіляць» (24 красавіка)

Глабальная сетка журналістаў-расследавальнікаў (Glob­al Inves­tiga­tive Jour­nal­ism Net­work, GIJN) ладзіць вэбінар, на якім калегі з Кыргызстана, Расіі і Украіны раскажуць пра прававыя і неправавыя пагрозы, якія яны зазналі апошнім часам з‑за сваёй прафесійнай дзейнасці, а таксама пра пратаколы і правілы бяспекі ў іх рэдакцыях.

Вэбінар адбудзецца ў сераду, 24 красавіка 2024 года анлайн.

Час:

• 11.30 Вільня, Кіеў, Мінск, Масква, Рыга, Талін.
• 12:30 Баку, Ерэван, Тбілісі.
• 13.30 Душанбэ, Ташкент, Астана.
• 13.30 Бішкек.

Мовы вэбінару — руская і ўкраінская з сінхронным перакладам.

Вэбінар будзе прысвечаны бяспецы журналістаў, якія расследуюць карупцыю і злоўжыванні ўладай па ўсім свеце, з‑за чаго ўсё часцей сутыкаюцца з ўмяшаннямі ў іх асабістае жыццё і прафесійную дзейнасць: кібершпіянажам і фізічным сачэннем, анлайн і афлайн-пераследамі, нападамі хакераў, ботаў і троляў, дэзінфармацыйнымі кампаніямі, пагрозамі фізічнай расправы.

Удзел у вэбінары будзе даступны пасля рэгістрацыі і верыфікацыі

ПАДАЦЬ ЗАЯЎКУ

Спікеры:

• Дзяніс Бігус — украінскі журналіст-расследавальнік, заснавальнік і галоўны рэдактар расследавальнага медыя Bihus.info, якое ўжо больш за 10 гадоў выкрывае карупцыйныя схемы ўкраінскіх чыноўнікаў.
• Улад Лаўроў — трэнер па бяспецы журналістаў; старэйшы рэдактар OCCRP у краінах Балтыі і Ўсходняга партнёрства з 2011 года.
• Алеся Марахоўская — журналістка і рэдактарка аддзелу дадзеных расійскага незалежнага медыя «Важныя гісторыі», спецыялізуецца на расследаваннях і дата-даследаваннях. 
• Балот Тэміраў — заснавальнік YouTube-канала Temirov LIVE і аўтар рэзанансных расследаванняў аб карупцыйных схемах у вышэйшых эшалонах улады, пасля якіх ён і яго каманда падвергліся сачэнню і пераследам.
• Ірына Чуліўская — сузаснавальніца і член праўлення  ГА «Лабараторыя лічбавай бяспекі». Больш за восем гадоў працуе з украінскімі журналістамі і праваабаронцамі для ўзмацнення іх лічбавай бяспекі.