Воркшоп «Асаблівасці беларускага OSINT. Як даследаваць Беларусь на адлегласці» (рэгістрацыя — да 2 лістапада)

З чаго пачаць і дзе шукаць дадзеныя пра Беларусь, калі знаходзішся па-за яе межамі – абмяркуем на воркшопе з журналістам-расследвальнікам Андрэем Шаўлюгам. Запрашаем журналістаў без досведу OSINT, а таксама тых, хто ўжо выкарыстоўвае ў сваёй працы OSINT, але хацеў бы далей развівацца ў дадзеным кірунку.

Пасля воркшопа вы будзеце ведаць:

• Што такое пошук, збор, праверка і аналіз інфармацыі з адкрытых крыніц у беларускіх рэаліях;
• Як знайсці інструменты пад сваю задачу;
• Як выкарыстоўваць візуальныя матэрыялы і спадарожнікавыя здымкі ў расследаваннях ды іншых журналісцкіх матэырыялах;
• Як пазбегнуць памылак.

Мы таксама разбяром рэальныя задачы і паспрабуем падабраць да іх адпаведныя крыніцы і інструменты.

Фармат: Анлайн. 2,5 гадзіны (з перапынкам на 10 хвілін).

Калі: 3 лістапада 2026 года: 17:00–19:30 (Варшава)/18:00–20:30 (Вільнюс).

Мова: беларуская і руская

Як патрапіць: Удзел бясплатны. Колькасць месцаў абмежаваная.

Рэгістрацыя адкрыта да 2 лістапада 2026 года, 17:00 (Вільнюс)

РЭГІСТРАЦЫЯ

Удзельнікі і ўдзельніцы, якія пройдуць конкурсны адбор, атрымаюць на свой e‑mail спасылку на трансляцыю за суткі і за гадзіну да пачатку воркшопа.

Калі ў вас засталіся пытанні, пішыце нам: uchimonline5@gmail.com.

Воркшоп арганізуюць нямецкая некамерцыйная арганізацыя dekoder і Беларуская асацыяцыя журналістаў.