• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Журналісцкія байкі: «Я так і ведаў, што грошы засталіся толькі ў апазіцыі…»

    Аднойчы ехаў у электрычцы з Маладэчна...

    А там ёсць вельмі каларытны дзядзечка, які заўсёды прадае газеты. Ён заходзіць на канцавым прыпынку і цягам дзвюх станцый паспявае абысці ўсю электрычку.  Ён выглядае так, нібыта выйшаў з паэмы Якуба Коласа “Новая зямля”…  

    У яго вельмі шырокі асартымент, — ад дзяржаўнай раёнкі маладзечанскай да “эрацічаскай” газеты “Адам і Ева”. І ён кожную газету ўмудраецца разрэкламаваць так, што хочацца купіць у яго ўсё, што ёсць.

    Напрыклад: эрацічаская газета “Адам і Ева”, дзе можна пачытаць “новости половой и семейной жизни», даведацца, як прывабіць дзяўчыну, дзе з кім якія кур’ёзныя выпадкі адбыліся…

    І вось, калі ён даходзіць на “Нашай Нівы”,  то коратка гаворыць: “оппозиционная газета с новостями политики, парламента и Запада”.

    Агласіўшы ўвесь спіс, ён пытаецца, каму што. Апроч мяне ніхто цікаўнасці не праявіў, а я вырашыў яго падтрымаць – набыць у яго эрацічаскую газету “Адам і Ева” і таксама “Нашу Ніву”.

    Відаць, па апошнім фактары ён зрабіў для сябе вельмі чоткую выснову і на ўвесь вагон сказаў: “Я так і ведаў, што грошы засталіся толькі ў апазіцыі. Бо ў апазіцыі ёсць галава. А гэтыя лукашысты праклятыя ўсё ўжо даўно прафуфукалі” . І з гэтымі словамі ён прадаў мне газету “Наша Ніва”.

    Самае цікавае, што пасля гэтага хлопец, які сядзеў непадалёк ад мяне, павярнуўся і кажа: “Э‑э, ну і мне таксама “Нашу Ніву” дайце.…”

    Глеб Лабадзенка

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці