• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Людзі з’язджаюць, але ствараюцца і развіваюцца новыя праекты: як жыве суполка беларускіх медыйшчыкаў у Батумі

    Даволі значная частка беларускіх журналістаў пасля рэпрэсій і пераследу на радзіме пераехала ў Грузію — Тбілісі ды Батумі. Пра тое, як для іх прайшоў 2023 год, распавёў кіраўнік батумскага «Медыя Хаба», журналіст Антон Сурапін.

    Галоўнай падзеяй для беларускіх журналістаў у Грузіі ў мінулым годзе Антон называе адкрыццё ў Батумі шматфункцыянальнай прасторы для медыйшчыкаў.

    «Мы працуем ужо больш за паўгода. У нас ёсць прасторавая база для рэалізацыі самых розных медыйных задумак, у тым ліку складаных відэа- і аўдыяпраектаў. Карацей, у Батумі з’явіўся пункт прыцягнення для беларускіх медыйшчыкаў, большасць з якіх тут у Батумі якраз жывуць», — распавядае кіраўнік прасторы.

    Цягам 2023 года ў «Медыя Хабе» прайшлі не менш за шэсць буйных імпрэзаў і дзеяў: адукацыйных, даследчых і іншых. Таксама на базе прасторы створаны ўтульны і зручны каворкінг з надзейным бесперабойным інтэрнэтам. Праца ў ім для беларускіх журналістаў каштуе ў 5–7 разоў танней, чым у любым іншым каворкінгу ў Батумі.

    Адной з тэндэнцый апошняга часу стаў ад’езд беларусаў з Грузіі, у тым ліку і медыйшчыкаў. 

    «Людзі часцей за ўсё накіроўваюцца ў Вільню, Варшаву. Тэндэнцыя заўважная, але сказаць, што праз гэта пачынаецца нейкі крызіс, нельга. Сёлета адначасова шмат людзей прыехалі, бо рэпрэсіі ў Беларусі не спыняюцца. У Грузію ляцяць тыя, у каго няма візаў. Натуральна, што частка з іх пасля вырашэння візавага пытання абярэ для пражывання іншую краіну», — кажа Антон.

    З пераваг жыцця ў Грузіі наш суразмоўца называе магчымасць жыць без візы і легалізацыі цягам года. Апошнім часам патаннела арэнда жытла, якое стала вельмі дарагім у 2022 годзе пасля масавага наплыву расіян.

    «Кошты ў Грузіі можна аднесці і да мінусаў жыцця тут, бо яны высокія — амаль як у Вільні ці Варшаве. А заробкі беларускіх медыйшчыкаў не надта растуць, — кажа Антон Сурапін. — Донарскія падтрымкі рэфармуюцца і сканчаюцца, усё яшчэ стаіць пытанне забеспячэння базавых патрэбаў, то бок пытанне жытла, харчавання. Незразумела, у які бок будзе рухацца сітуацыя ў свеце, у нашай краіне. Таксама сярод цяжкасцяў беларусы Грузіі называюць пытанне адукацыі дзяцей, атрымання дазволу на жыхарства, каб быць упэўненым, што пасля чарговага вяртання з‑за мяжы цябе ўпусцяць у краіну. У некаторых арганізацый дагэтуль не вырашанае пытанне з банкаўскімі рахункамі. Агульны маральны стан моцна падкасіў указ пра пашпарты».

    Нягледзячы на ўсе гэтыя цяжкасці, беларускія медыйшчыкі ў Грузіі імкнуцца ствараць і развіваць свае медыяпраекты.

    Так, у 2023 годзе з’явіўся YouTube-канал «Вольны», які на базе «Медыя Хаба» робіць Алесь Залеўскі.

    «Там даволі шырокая тэматыка — і палітыка, і аналітыка, і псіхалогія, — зазначае Антон. — Развіваць медыяпраекты цяпер, канешне, няпроста. Канкрэтна канал «Вольны» накіраваны на Беларусь, а аўдыторыя ўнутры краіны запалоханая, там людзям цяпер прасцей нічога не глядзець і ні нашто не падпісвацца».

    Тым не менш, «Вольны» развіваецца, а ў 2024 годзе маюць з’явіцца яшчэ некалькі праектаў, накіраваных на Беларусь, якія будуць ствараць беларускія журналісты ў Грузіі.

    Для стварэння і развіцця сваіх медыяпраектаў «Медыя Хаб» запрашае таксама журналістаў, якія цяпер жывуць у Вільні ці Варшаве.

    «Мы падлічылі, што ўмовы арэнды нашай відэастудыі вельмі выгодныя для беларускіх журналістаў Варшавы і Вільні, нават з улікам кошту пералёту да Грузіі. Гэта выходзіць больш танна, чым знайсці і арэндаваць такую ж студыю ў Польшчы ці Літве. І мы гатовыя дапамагаць і падтрымліваць беларускіх медыйшчыкаў не толькі з Грузіі», — кажа кіраўнік «Медыя Хаба».

    Сам Антон сустрэў 2024 год у бадзёрым настроі, бо, кажа, прынамсі на бліжэйшы час зразумела, што рабіць.

    Акрамя таго, ён змог атрымаць новы беларускі пашпарт, што дадае ўпэўненасці.

    «Таму цяпер я значна спакайнейшы, чым яшчэ некалькі месяцаў таму. Але адначасова больш думаю не пра бліжэйшы год, бо з ім усё зразумела — гэта будзе праца з «Медыя Хабам», узмацненне кам’юніці беларускіх медыйшчыкаў, але больш глабальна. Я разумею, што заставацца ў Грузіі на ўсё жыццё не атрымаецца, трэба думаць, куды рухацца далей і ў якой якасці. Ну і чакаць моманту “ікс” для нас і нашай краіны», — рэзюмуе Антон Сурапін.

    Чытайце яшчэ:

    Улады пазбавілі БАЖ даменнага імя і пошты. БАЖ звяртаецца ў ICANN

    Больш за 2300 паштовак са словамі падтрымкі: у Польшчы ладзяць акцыю салідарнасці з Анджэем Пачобутам

    «Калі ў хату ніхто не пагрукаў, на сёння і гэта вялікі пазітыў!» Калегі ў Беларусі пра адыходзячы год, мары, надзеі і пачуцці

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Акцэнты

    Теперь консул может только изъять паспорт. Что означает новый указ для белорусов, уехавших из страны?

    Очередное решение властей, которое поражает в правах белорусов.  Лукашенко подписал указ, которым изменил порядок выдачи документов в посольствах и консульствах за границей. Теперь там нельзя продлить или получить паспорт. Как же быть? Комментирует юридическая служба БАЖ.
    05.09.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці