Зін «Паміж»: адкрыты прыём прац (дэдлайн — 1 верасня)

Квір-зін «Паміж» распавядае пра жыццё паміж страхам і надзеяй, паміж краінамі, паміж ідэнтычнасцю. Гэта пра голас, які гаворыць нават у цішыні, і пра супраціўленне, якое існуе, нават калі яго не відаць. І запрашае ўсіх зацікаўленых людзей дасылаць свае працы.

Фота: Mar­ta Bran­co для pexels.com

Беларусь застаецца месцам, дзе быць ЛГБТК+ чалавекам — значыць штодня рызыкаваць. Але нават у самых цяжкіх умовах людзі працягваюць існаваць, адчуваць, казаць і кахаць. Гэты зін — пра бачнасць, падтрымку і клопат.

«Пра тое, як мы — нягледзячы на страх і адзіноту — знаходзім спосабы заставацца сабой. Гэта будзе архіў нашай сілы і ўразлівасці, нашай узаемадапамогі, унутранай устойлівасці і паўсядзённых практык супраціву. З дапамогай яго мы хочам падтрымаць нашу супольнасць, каб ніхто не адчуваў сябе самотна ў сваім досведзе і маглі абаперціся на досвед іншых. Мы хочам, каб нашыя гісторыі захоўваліся і гучалі», — зазначае рэдакцыя.

Працы могуць быць як тэкставыя (асабістыя гісторыі/вершы), так і візуальныя ў любым фармаце: ілюстрацыі, калажы, паэзія, фота, вышыўка, 3D — любыя формы творчага выразу. 

Хто можа ўдзельнічаць?

Квір-людзі з Беларусі — дзе б вы зараз ні знаходзіліся

Як удзельнічаць?

Запоўніць форму ў апісанні профіля і прымацаваць свой матэрыял. Ад аднаго чалавека прымаецца толькі 1–2 працы! Будзе выдатна, калі тэкставыя працы не будуць перавышаць адну старонку А4 (14 шрыфтам).

ПАДАЦЬ МАТЭРЫЯЛЫ