Кіберпартызаны ўзламалі БелТА
31 снежня 2023
На сайце БелТА размясцілі інфармацыю пра «карнікаў, якія адбіраюць дамен Tut.by», і жарт пра гарачыя фоты з карпаратыву дзяржаўнага агенцтва.
Цяпер ён недаступны.
Паведамляецца, што ўзламаная ўнутраная сетка і асноўныя сайты.
Кіберпартызаны сцвярджаюць, што:
— пашкоджаныя дамен-кантролеры;
— выпампавана 90 Гб даных (унутраныя дакументы, бухгалтэрыя, асабістыя даныя супрацоўнікаў);
— зачышчана ўся бухгалтэрыя, працоўныя станцыі, архівы, бэкапы, серверы вэб-сайтаў.
Кіберпартызаны паведамляюць, што атаку пачалі 29 снежня.
«Звычайна атака ўнутранай сеткі арганізацыі распрацоўваецца ад некалькіх тыдняў да месяцаў. Але, па нашай інфармацыі, сетку БелТА ўжо раней хтосьці спрабаваў шыфраваць, толькі не давёў справы да канца. Мы ведалі, што з тых часоў «дзірак» у сетцы так і не ліквідавалі, і вырашылі скарыстацца гэтым.
Супрацоўнікі БелТА не выконваюць нават мінімальных правілаў камп’ютарнай бяспекі і інфармацыйнай гігіены. Напрыклад, яны карысталіся пірацкім софтам і сістэмамі. Таму лёгка падхапілі нашы «кібербомбачкі» і панеслі вялікія страты», — пішуць Кіберпартызаны.
Чытайце яшчэ:
У Беларусі анулявалі даменнае імя TUT.by
«Калі ў хату ніхто не пагрукаў, на сёння і гэта вялікі пазітыў!» Калегі ў Беларусі пра адыходзячы год, мары, надзеі і пачуцці
In memoriam. Узгадваем калегаў, якіх страцілі ў сыходзячым годзе
@bajmedia
