• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Кіраўніка польскай амбасады ў Беларусі не пусьцілі на суд Пачобута

    У дыпляматычным пляне Польшча робіць усё магчымае ў справе палітзьняволенага журналіста Анджэя Пачобута, заявіў генэральны сакратар кіроўнай у Польшчы партыі «Права і справядлівасьць» (PiS) Кшыштаф Сабалеўскі.

    «У дыпляматычным пляне мы робім усё магчымае — паверанага ў справах Польшчы ў залю суду не пусьцілі. Адпаведныя заявы, лісты і пэтыцыі на адрас беларускіх уладаў накіраваныя, а таксама гэтая справа паднімаецца на міжнародным форуме», — заявіў PAP прадстаўнік партыі PiS Кшыштаф Сабалеўскі.

    Ён адзначыў, што рабіць яшчэ нейкія дадатковыя крокі сёньня складана.

    «Тады нам, напэўна, давялося б ужо парушаць беларускую мяжу, гаворачы аб больш рашучых кроках», — сказаў ён.

    Кшыштаф Сабалеўскі таксама дадаў, што адзіныя сродкі ціску, якія засталіся ў Польшчы, — узмацненьне санкцый, у тым ліку супраць Беларусі. Аднак санкцыі ўжо, паводле яго слоў, «ня робяць вялікага ўражаньня на Лукашэнку і беларускі рэжым».

    «Гэта таксама паказвае адну рэч — што ня без прычыны быў пастаўлены плот на польска-беларускай мяжы. Атака на польскую мяжу была пачаткам гібрыднай вайны, праверкай польскіх магчымасьцей. Павінны былі бараніцца. Калі недзе ёсьць рэжым, то з рэжымам часам складана размаўляць інакш, як сілай. На жаль, гэта праўда», — сказаў палітык.

    Вядомага журналіста і аднаго зь лідэраў Саюзу палякаў Беларусі судзяць у Горадзенскім абласным судзе. Дату пачатку працэсу двойчы пераносілі зь невядомых прычын.

    Суд пачаўся ў 10:30. На працэс спачатку пусьцілі толькі бліжэйшых сваякоў і некалькіх актывістаў, іншыя чакалі ў калідоры. Пазьней працэс на патрабаваньне пракурора зрабілі закрытым і ўсіх выставілі ў калідор.

    Судзьдзя ў працэсе — Дзьмітры Бубенчык. Разгляд справы журналіста неаднаразова пераносілі: спачатку працэс меў адбыцца 28 лістапада, затым яго перанесьлі на 2023 год — спачатку на 9‑га, затым на 16 студзеня. Прычыны пераносаў застаюцца невядомыя.

    Анджэя Пачобута абвінавачваюць паводле ч. 3 арт. 130 КК («зьдзяйсьненьне групай асобаў наўмысных дзеяньняў, накіраваных на распальваньне нацыянальнай, рэлігійнай варожасьці па прыкмеце нацыянальнай, рэлігійнай, моўнай прыналежнасьці і зьдзяйсьненьне наўмысных дзеяньняў для рэабілітацыі нацызму») і ч. 3 арт. 361 КК («заклікі да мераў абмежавальнага характару (санкцыяў), накіраваных на прычыненьне шкоды нацыянальнай бясьпецы»).

    У кастрычніку ўлады дадалі Пачобута ў «сьпіс тэрарыстаў». 

    Чытайце яшчэ: 

    Як у Гродне судзяць журналіста Анджэя Пачобута

    Беларусские пропагандисты и провластные Telegram-каналы целый день «атакуют» Почобута

    Марыў стаць адвакатам, іграў панк-рок. Сем фактаў пра Анджэя Пачобута, якога пачалі судзіць у «польскай справе»

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    «Медиазона» подготовила инструкцию по удалению старых комментариев в соцсетях — от Instagram до Youtube.
    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Акцэнты

    Карцер, ПКТ, ШИЗО — что это такое? Как наказывают политзаключенных, которые уже находятся за решеткой

    28.06.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці