Ліда: 15 сутак і вялікі штраф журналісту-фрылансеру
7 мая 2021
У Лідскім раённым судзе 7 траўня адбылося пасяджэнне, на якім пасля трох сутак ўтрымання пад вартай быў асуджаны журналіст-фрылансер Андрэй Фралоў.
Суддзя Максім Філатаў пакараў журналіста паводле артыкулаў 23.5 частка 3 КаАП (Незаконныя выраб і распаўсюд прадукцыі СМІ) і 24.3 КаАП (Непадпарадкаванне законнаму распараджэнню ці патрабаванню службовай асобы дзяржаўнага органа) — 30 базавых штрафу і 15 сутак арышту адпаведна.
Пасля судовага пасяджэння Андрэя Фралова змясцілі ў мясцовы ізалятар часовага ўтрымання, пры гэтым залічылі трое сутак, якія ён адбыў за кратамі.
Фралова затрымалі 4 траўня пасля таго, як ён працаваў у горадзе Бярозаўка, што на Лідчыне. Міліцыянты гвалтоўна затрымалі журналіста, калі ён сядаў у свой аўтамабіль.
Андрэя Фралова адразу завезлі ў Лідскі РАУС. Абяцалі, што суд над ім адбудзецца 5 траўня, аднак ні 5‑га, ні 6‑га траўня суда не адбылося. Журналіст быў затрыманы на 72 гадзіны для высвятлення асобы.
На суд да Андрэя Фралова ў Ліду завіталі яго калегі, а таксама жонка журналіста. Журналіст пакуль не вырашыў, ці будзе абскарджваць рашэнне суда.
Андрэй Фралоў вядомы ў горадзе аператар, які супрацоўнічае з рознымі СМІ рэгіёна, а таксама са шматлікімі польскамоўнымі СМІ.
@bajmedia
У Сенаце ЗША прадэманстравалі партрэты беларускіх палітзняволеных. У тым ліку двух супрацоўнікаў «Радыё Свабода»
11.01.2024
Асуджанага Яўгена Меркіса ўключылі ў спіс асоб, якія «маюць дачыненне да экстрэмісцкай дзейнасці»
08.09.2023
Анджэй Пачобут застаецца без неабходных яму лекаў і знаходзіцца ў ізаляцыі
26.10.2023
Еўрапейская федэрацыя журналістаў звярнулася да міністаркі юстыцыі Сербіі з просьбай спыніць экстрадыцыю Андрэя Гнёта
08.07.2024
