Новы Кодэкс этыкі і орган самарэгулявання: БАЖ выносіць канцэпцыі на абмеркаванне калег

10 верасня ў Вільні адбылася канферэнцыя «Беларускія медыі. Якасць кантэнту і пытанні самарэгулявання», падчас якой прадстаўнікі многіх СМІ выказаліся за стварэнне органа самарэгулявання беларускага медыясектара. 

Ілюстрацыя iStock­pho­to

Эксперты і эксперткі Беларускай асацыяцыі журналістаў падрыхтавалі праекты новага Кодэкса журналісцкай этыкі і Канцэпцыі органа этычнага самарэгулявання беларускага медыясектара і выносіць на абмеркаванне журналісцкай супольнасці праекты двух дакументаў.

• Кодэкс прафесійнай этыкі беларускіх журналістаў
• Пагадненне аб самарэгуляванні незалежнага беларускага медыясектара

На першым этапе мы просім усіх зацікаўленых азнаёміцца з праектамі дакументаў і пакідаць свае прапановы па іх адным з наступных шляхоў:

- шляхам адпраўкі сваіх прапаноўваў на электронную пошту prava@baj.media;

- альбо праз адмысловую гугл-форму;

На наступнай стадыі эксперты і эксперткі БАЖ збяруць і прааналізуюць усе накіраваныя прапановы, а таксама запросяць прадстаўнікоў і прадстаўніц медыясектара на жывыя сустрэчы па абмеркаванні дакументаў.

Асобна БАЖ абмяркуе дакументы і з рэдакцыямі медыяў.

Важна. З мэтай аптымізацыі дакументаў у драфтах паўсюль выкарыстоўваецца мужчынскі род (сябры, прадстаўнікі, чальцы), якія ў дадзеным выпадку аб’ядноўвае прадстаўнікоў і прадстаўніц усіх гендараў, як зборны назоўнік, які паказвае на супольнасць асобаў адной прафесіі.