Навіны

Гродзенскі журналіст, сябра ГА “БАЖ” Руслан Кулевіч напісаў кнігу пра Гродна ў перыяд 1930-40-х гадоў — “Горад адзін, успаміны розныя”. Гэта зборнік успамінаў жыхароў, дзяцінства і маладосць якіх, прыйшліся на гэтыя гады.

20 снежня а 15.00 Беларуская асацыяцыя журналістаў запрашаем у свой офіс (Мінск, вул. Кальварыйская, 16, офіс 265 (4 паверх)) прадстаўнікоў рэдакцый, медыйшчыкаў, экспертаў, сэрвісныя арганізацыі, на прэзентацыю Стратэгіі незалежнага медыясектара Беларусі.

14 снежня ў Гарадзенскім абласным судзе прайшоў разгляд касацыйнай скаргі па адміністрацыйнай справе маладзёна Уладзіслава Серады. Скаргу па яго просьбе напісаў і падаў яго адвакат.

У судзе Савецкага раёна пачаўся разгляд пазову бізнесмена, аднаго з сузаснавальнікаў рэстарана «Поедем поедим» Леаніда Зайдэса да газеты "Новы Час". Асноўнае паседжанне паводле пазова Леаніда Зайдэса да недзяржаўнай газэты «Новы Час» прызначанае на 27 снежня (пачатак у 14.30). Бізнэсмэн патрабуе суд абавязаць газету абвергнуць інфармацыю, апублікаваную ў «Новым Часе», якая нанесла пазоўніку «маральныя пакуты, якія выявіліся ў моцных душэўных перажываннях з нагоды магчымасці падрыву рэпутацыі ў грамадстве і дзелавым асяроддзі, дыскрэдытацыі ў вачах існуючых і патэнцыяльных контрагентаў, кліентаў, партнёраў па бізнесе».